السماء بارتفاعها وبعدها فدائما يرى العاشق محبوبه
مرتفعا وبعيدا مهما قرب...والنجوم التي فيها تمثل جمال منظر
واتساع السماء تبعث في الانسان الراحه ...سبحان الله..
...
اما البحر ..امواجه تقلباته وجميع حركاته تحس انه يكلمك..
فالاحساس بحركة البحر كأنه يخاطبك واتساعه يعطي انطباع اتساع صدره
وبدون شعور الانسان المهموم
يطلع اللي في نفسه من كلام ويحس بعدها براااحه..
.................................................. .................................................. ..............
كذب من قال موج البحـر خايـن والبحـر غـدار
وأنا في عيني أمواجه قبر .. وأدفن بها أسـراري
لك الله يابحرمن ويـن جبـت الصبـر ياصبـار ..
وأنا صبري عجز لايكتـم اللـي شفـت بأقـداري
أنا يابحرهمـي ساحلـك .. والمركـب الـدوار
يسوق الموج للمينا وتصدم فـي صخـر ظـاري .
أنا مـدك وجـزرك والهـوى والليـل والأنـوار
طلبتك يابحر.. نزل شراعـك واسمـع أخبـاري
أنا شلت الغرام اللي سنيـن العمـر بـه تحتـار ..
وتهت وضعت بين المستحيل .. ورغبة أصـراري
سريت الليل أنا يابحـر كـن النجـم لـي سمـار
ووصلت لشطك الظالـم ولاأدري ويـن مشـواري ..
وعجزت أغلق شبابيك الحزن وأرخي عليها ستار
وأخاف الشمس تفضحني نهار يشوفنـي جـاري
سبحتك ليـن سمونـي بعـدك ((بــ زوجة )) البحـار ..
تعال وعوم فينـي .. شـوف لولـوي ومحـاري
توارت قبلـه دموعـي عـن الجـلاس والأنظـار
وتوارت قبله أحلامي .. وعاشت خارج أسـواري
سريت الليل وأثر الليل نـاوي يفضـح الأسـرار ..
وأثاري كـل ليـل مرنـي مـن فرحتـي عـاري
أنا ماأذكر من الرحله سـوى دمـع همـا مـدرار
ومجداف رميته في ظلامـك جيـت بـه سـاري ..
أنا أدري مابيدينك فـرح تعطينـي عليـه اقـرار ..
وأنا أدري ان السكوت أرحم من الشكوى لجـزاري
أنا جيتك أبي أخمد علـى شاطيـك بعـض النـار
وأثر حالك مثل حالـي تعانـي الجـرح وتـداري ..
بحر .. بالله توعدني وعد .. لاتفضـح الاسـرار
يهـون المـوت بأمواجـك ولاتتشتـت أسـراري
م/ن