[سلمى 1]

كرات الكيك المغلفه بالشوكلاه او الترافيل







الاغراض اللي بتحتاجينها :

علبه وحده كيك جاهز اي نكهه شوكولاته او فراوله او فانيلا اللي يعجبك ..
كريمة الجبن او اي كريمه
400ج شوكلاته خاص بالطبخ (نوعيه جيده )
اعواد المصاص او اعواد الباربيكيو ( الاستغناء عن العود)
سباركلز للزينه

مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:
اخبزي الكيك بنفس الطريقه الموضحه عالعلبه ..




في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )
اتركي الكريمه على جنب

وبعد ماتبرد الكيكه فتتيها باليد







بالتدريج ضيفي الكريمه على الكيك وحركي بالشوكه (--- بالتدريج----)
اعجني باليد علي خفيف لين ماتتشكل عندك مثل العجينه
وتقدرين تشكلين منها كور متماسكه نوعآ ما
مرات نحتاج نبرد العجينه ..فنخليها نص ساعه فالثلاجه !





كوري العجينه كور بالحجم الوسط
بتكفي العجينه تقريبآ ل 50 حبه ..
ثبتي عليهم العيدان ..
( تقدرين تستغنين عن العود ووقت التغميس ترفعين كل كوره بالشوكه )



حطيهم في صينيه فيها ورق زبده ..وخليهم فالفريزر 20 دقيقه تقريبآ


طلعي الصينيه من الفريزر
ذوبي الشوكولاته المكسر ( ابيض او بني ) في المايكروييف
لمدة 50 ثانية على قوه متوسطه




غمسي كل حبه بالشوكولاته..
( اهم شي مايكون الكيك مثلج او باااارد وايد زياده عن اللزوم )
ولو نسيتيه فالفريزر طلعيه وقت التغميس
وانتظري لحد ماتكون برودته معتدله
... هاي سر من اسرار التغليف الجيد..
واذا جمد الشوكولاته معاك وانتي تغمسين
حطي نقطة زيت عادي للشوكولاته وبيرجع طبيعي ،،
تحملي تضيفين ماء يخرب الشوكولاته ،،،


هاي سر ثاني




رجعي حطي الحبه المغلفه في ورق زبده
ورشي السباركلز من فوق قبل لا ينشف الشوكولاته











بالعافيه
منقول للأمانه

.