[مدمنة شوكولاتة]

تعرفون إيش أحلى شي بالحياه

(السجود ) .. أحلى شي والله

كلنا نفسنا نطير فووووق للسماء مثل العصافير ..

إسجدي وراح تحسين روحك تحلق فووووق عند ربي .. عند ألي أكبر من كل شي

عند ألي يحبك .. يحبك كثير .. وعشان يحبك .. ترك فيك شي منه .. نفخ فيك من روحة

يفرح كثير لما تدعين له .. ولما تشكين له .. مو مثل الناس .. ممكن تسمعك مره مرتين عشر بس بعدين تمل منك

بس ربي لا .. ربي يسمعك .. ويحس فيك .. ويفهمك كثير .. ويفهم حاجتك .. ويريحك كثير كثير

وبأي وقت تبينة .. تبين تتكلمين معاه .. فيه شي مضايقك وتبين تفضفضين له .. تلاقينه على طول

على طول يابنات من دون مواعيد .. ومن دون تنسيق كلام .. ومن دون مقدمات

كلميه .. قولي له كل شي بقلبك .. لاتخلين شي

قولي له عن أحلامك .. عن طموحاتك .. عن أمنياتك الصغيره .. عن همومك ..

عن كل شي مضايقك حتى لو كان تافه وصغير

واذا تبين تبكين أبكي عنده .. أبكي وراح ترتاحين مره .. لأن البكاء عنده راحه مو تعب

مو لازم تنسقين كلامك وسجع ومااعرف ايش .. كلميه بأسلوبك .. بعفويتك

لما تسجدين تحسين أنك قريبه منه حيل .. تحسين كأنه جنبك

قولي له كل شي بقلبك .. وانتي واثقه فيه .. وواثقه بقدرته ورحمته

مافيه أحد أكبر من ربي .. ولافيه أحد أحسن من ربي

ربي يقدر على كل شي .. تعرفون ليه .. لأن ربي هو ألي خلق كل شي .. كل شي

ربي هو ألي خلقنا .. وماراح يضيعنا .. ومستحيل يأذينا .. كل شي يصير لنا هو خير من ربي

حتى لو إحنا نشوفه شر .. بس هو بالحقيقه خير .. تعرفون ليه .. لانه كله من ربي الي أرحم فينا من أمنا

عشان يحبنا .. يفرح فينا كثير لما نرجع له .. حتى لو ابتعدنا كثير عنه .. يتودد لنا لين نرجع له

عشان يحبنا .. كل يوم ينزل بأخر الليل للسماء الدنيا .. بس عشاننا والا هو أبد مو محتاجنا

بس عشان يحبنا ينزل .. عشان نطلب منه وهو يعطينا كل ألي نبيه ..

وينادي ..!! .. ينادي علينا يابنات .. يبينا نرجعله .. يبينا ندخل الجنة

بس إحنا نبعد عنه كثير .. بالرغم أنه قريب مره مننا

شفتوا كيف لما إحنا نتوب ونرجع له مو بس يقبلنا ويغفر لنا

لا كمان يخلي سيئاتا كلها تصير حسنات

شفتوا أحد أرحم منه فينا .. والله ماشفت ولاراح أشوف

أحبه ربي .. أحبة كثير .. ودي أشوفه وأقول له أحبك .. أحبك أكثر من نفسي

أحبك لأنك أنت الوحيد ألي ماتخليني .. الوحيد ألي مستحيل يأذيني .. الوحيد ألي مايضيعني

حتى لما نرفع إيدينا وندعي وإحنا نعصية كثير .. يستجيب لنا كل دعواتنا

ويعطينا كل شي إحنا نحبة .. وكل شي إحنا نبية

ومو بس كذا .. يعطينا حسنات كثير اذا صبرنا

حتى لما يصير لنا شي مو حلو .. يمكن يكون هو مشتاق لنا

مشتاق أننا ندعيه .. نبكي عنده .. يبينا نطلب منه وهو يعطينا

منقووول







لا اله الا الله