[الأميره الصغيره]

::::

شيء يؤسف له صراحه

انا كمان اعرف اب زوج ابنته بمبلغ مهر كبير ويعامل زوجته بكل كره وكأنه ينتقم من ابيها بسبب المهر الذي دفعه

نسمع قصص كثيره لكن يفترض من هؤلاء الازواج ان لايكونوا حقودين

ليس حقودين فقط بل مرضى نفسيا

وعلى العكس اعرف ازواج دفعوا ايضا مبالغ مهر كبيره ولكنهم يعاملون زوجاتهم بكل رقي وحب

واذكر قصه ايضا لكنها عكس ماذكرت تماما

وهذه القصه سمعتها شخصيا
بنت تزوجت ابن خالتها
من طيبة هذا الاب ولانه شرا الرجال على قولتنا
قال مهر ابنتي 10 ريال

تم الزواج كما ينبغي

بعد مضي شهر تقريبا

ذهبت لتشتري جزمه ( تكرمون)

قال لها البائع سعرها 200 ريال

قالت لزوجها : الجزمه غاليه مابشتريها ..... قال اي والله انها اغلى منك انتي بـ 10 وهي 200

صدق المثل خير تعمل شر تلقى

الحين ابو البنت شاريك ومتوسم فيك خير وتقابل طيبته لك بسوء المعامله لبنته

البنت ماشالله عليها كانت حكييييييمه جدا سكتت وبلعت الموضوع

رجعت من شهر العسل وقالت ابي ازور اهلي

راحت عند اهلها مر يبي ياخذها يرجعون البيت قالت لا : خلني اجلس كم يوم عند اهلي
وافق ماقال شي


هي خبرت اهلها بكل اللي صار معها

قال الابو : هين انا اوريه شغله

سوى الاب عزيمه كبيره

عزم فيها زوج بنته واهله وكل اللي كانوا شاهدين على زواجهم

وقال وش رايكم . بكذا وكذا هذا اللي صار لبنتي
ونا الحين بنتي بيتي وماهي طالعة من عندي الا بمهر 100 الف ريال

الزوج انصدم صدمه كبيره <<< هذا جزاته كفايه انه طاح وجه قدام الرجال

دفع المية الف

وسلامتكم


انا من وجة نظري ان يكون المهر مبلغ متوسط فلايكون قليل او كثير
خير الامور اوسطها


::::