بسم الله الرحمن الرحيم
ألف مبروك عليك التعين ولو انها متأخره
أول مره انتبه ليومياتك ماشاء الله عليك تبارك الله بس اليوم غبت عن الدوما فصار عندي وقت اشوف فيه موضوعك .
يا غاليه / لا تشكين لي ابكي لك
نفس الشيء تعينت هذه السنه في منطقه حدوديه قريبه من اليمن والطريق جبلي وصخور وجبال
ومدرستك بصراحه ازين من مدرستي بكثييير.
ولله الحمد راضيه
تدرين وش أكثر شيء أحرص يكون معاي أذا رحت المدرسه ( ادويه ومسكنات ، مضادات حيويه ، معقم كحولي لأيدي، جوالين رغم انه لا يوجد هناك تغطيه من الشبكه فالشبكه تنقطع قبل الوصول للمدرسه ب20 كيلوا ، وأحرص على أخذ مويه وخبز ، وملابس، لصقات للظهر بعد ما يتكسر من الطريق الوعر مع سايق الجيب موديل 85 وفكس وفولتارين)
أذا نقص عليك صور لاتشيلين هم أجيب لك من عندي
وعلى فكره أحب المدرسه وأحب الدوام ، لكن اللي واقف في طريقي هو لهجة الطالبات واهالي المنطقه ..لاهم اللي فهموا علي ولا أنا اللي فهمت عليهم ، بس لأمانه بدت تزول هذه العقبه بمحاولاتي لحفظ أكبر قدر من كلماتهم الشعبيه ، صرت مثلهم اتكلم .
انتي وش لون مسويه مع حاجز اللهجه؟؟