السلام عليكم ورحمة الله وبركاته
موضوعكم رائع بصراحه وهو من احاديث الدارجه بكثره في مجالسنا (خاصة النساء وماادراك
ماالنساء) الله يسامحهم وهذه قصة لاحدى زميلاتي تقدم لها شاب وبعد السؤال إمام المسجد
ذكر اأنه حريص على الصلاة وكذلك الدوام يثنون عليه وعلى شهامته ورجولته وعند الملكه
حضروا من جهة النساء (أخواته الثنتين وأمهم )فقط وكانوا ينظرون اليها وكأنها تحت المجهر
وطوال الوقت يضحكون ومبسوطين والتعليقات اللي من تحت لتحت وهي بطبيعت الحال
مستحيه مره ماتدري وش في دواخلهم ولم دخل الرجال دخل عليها عند اهله بدون (نعال)
اعزكم الله بحجة انه مرتبك ونادوه مسرعه ...قالوا اهله ترى الزواج عائلي ومااحد بيحضر
غيرناوبعد هذا اليوم وهي تستعد للزواج وقبل الزواج بأسبوع أو اسبوعين وهي ترتب العفش
في شقتها لقت كيس كبير فيه مجموعة اوراق وقالت بأخذه للبيت علشان افرزه ورتبها براحتي
ومن ثاني يوم يجلست ترتبها ....وتتفاجئ بوجود اوراق جلسات علاج نفسي وعند عياده
معروفه ومن سنين ومن ضمن الاوراق ورقه تثبت انه دخل للمستشفى في حالة أنهيار شديد
ونوم أكثر من يومين وتلقى العلاج وماكان منها الا ان تذهب الى اقرب صيدليه وعندما شاف
الاوراق قال هذا مريض نفسي وتلقى العلاج ومرضه..........مأقدر اقول لكم بس للاسف عندما
سألنا الدكتور اللي متابع حالته اجاب لنا بصعوبه عندما اريناه اوراق الملكه وقال انه يخضع
للعلاج منذ الصغر ولا تستقر حالته الا بالدواء وانه لوقتل او...ماعليه شي (يعني مرفوع عنه
القلم )للاسف الشديد ،واهله مطلعينه في السماء من كثر المدح وموبس كذا البنت صرفت
المهر وهم رافضين الطلاق مع انها لها الحق ان تطلب الخلع بس لازم ترد ولوجزء من المهر
والامكانيات الله يعلم بها وبعد جهد جهيد وبعد كم شهر اخذت ورقة الطلاق وردت له نصف المهر
(بصعوبه) الله يعوضها خير منه المسكينه وحسبنا الله ونعم الوكيل على الاهل اللي يسترون
على ولدهم ويضرون بنات الناس .... النساء دائما ينظرون لمن صلبهم انهم كاملين وغيرهم
هم من يعتريهم النقص للاسف مجتمعنا ينظر للرجل لا يعيبه شئ دائما وان المرأه اذا ماصلحت
نأخذ غيرها وش ذنب البنت اللي حملت اسم مطلقه من يتقدم لها والناس وش بيقولون عنها
في هذا الزمن الرجال مايبغى المطلقة حتى ولوقبل الدخله للاسف تنظلم وماتأخذ الا ابو
العيال... فعلا حسبنا الله ونعم الوكيل والله يعوض كل بنت بالخير والله لا يوفق من يوقف مع كل
رجل غير صالح ...معليش انا حزنتكم بس تذكرت هذه القصه لما قرأت موضوع الحريم وشوفتهم
والحمدلله على كل حال