السلام عليكم ورحمة الله وبركاته
اخوي قصتك بسيطه جداً . وأسمحلي اقول هذا الكلام . لأنك لازم تفكر لبعيد مو تفكر باليوم وبكره
طيب اذا تزوجتها هل راح تصبر على شغلها ولا راح تصبر على اخوانها الي بالماسنجر على قولتها
راح تبدا المشاكل بينكم .. والله يستر اذا جاكم اطفال .. اما انهم راح يتربون تربيه ماراح تعجبك .. ولا لاقدر الله تفترقون ويصيرون الأولاد الضحيه..
انا سمحت لنفسي ارد على موضوعك لأني قبل 3 شهور خضت نفس التجربه لكن انا ملكت على شخص .. ومن خلال مكالماته لي وحديثه عن نفسه . عرفت انه مايصلح اتزوجه . وبعد عامل السن هو اكبر مني بكثير ملكتي استمرت 3 شهور وبعد ما تأكدت انه مايصلح لي .. قويت نفسي وقلت له اني مااقدر اتزوجك ! تصدق انه تأثر مره وقالي انا
احبك مو 100 %100 احبك 300 %100 وحده في مكاني كان رجعت عن قرارها وتزوجته .. لكن انا فكرت لبعيد
وشلون راح اعيش معه حياتي كلها وهو اسلوبه وكلامه وتصرفاته ماتناسب بيئتي ولا تناسب افكاري
والان انا منفصله عنه والحمد لله على تقدير الله .. واكيد أني واجهت عقبات كثيره لكن الله يسر أمري لأنه مو قسمتي
استعن بالله .. ثم استخر ..وبعدها اختار هل هي تصلح لك ولا بلاش للزواج الخسران هذا
وأسأل الله لك التوفيق