والله انه يسلم البطن الي حملتك يا بشاير ايوا هيك موضوع خليني اتفشش بالرجال والله وعنا بفلسطين الرجال ما شا الله طالعه فيهم هويه الزواج الثاني الله وكيلك شائع بدرجه مو معقوله
يعني مو بس عندكم بالخليج عندنا مولاقين الاكل بس الزواج عادي بيتزوجو تاني احنا مرات بيتحججوا الرجال عنا وبيدورو على عروس الها دخل مالي عالي واغلب العرايس بيكونو موظفات وكاله افهمكم شو يعني وكاله يعني موظفه لدي وكاله الغوث للاجئين الفلسطينين راتبها مابيكون اقل من 800 دولار صارت موضه عندنا وطبعا معشر الرجال حججهم كتيييره بالزواج الي يكتشف زوجته بعد 20 سنه انها مو حلوه والتاني مابدلعو والتالت بدو بيضه عشان مرتو سمرا والي مرتو ما بتجيب اولاد بدو وحده تانيه الي زي هاذا نقول معاه حق يعني بدو ذريه ومرات يتزوج تلاته ومايرزق بذريه والي والي يعني حجج والله كلها فاضيه و زي ما قالت الي قبلي
طبعا معشر الرجال سايبين كل القران تلاقيه لا بيصلي ولا بيصوم بس شوو حافظ الايه انه ربنا حلل اربعه زوجات متمسكين بيها بكل قوه وما بيعدلو بين الزوجتين مستحيل اتحدا اي حد يعدل دوبه يعدل بالمره الاولى
العادل صفه الاهيه لربنا وبس مستحيل نحن البشر نعدل و ناهيكي على المشاكل بين الزوجتين بيفكر حالو لمن يجيب الزوجه الثانيه راح يكون اسعد واحد وه وبالعكس بتبدأ المشاكل لمن يجب التانيه انا مابعرف والله ارفض تعدد الزوجات مع انه حللو ربنا انابالنسبه الي يطلقني ويروح يتزوج عشره وشكرا كتير الك وطولت عليك بالرد سامحينا بالله