[ميرا القاضى]

السلام عليكم

ازيك يا هموسه حلو موضوعك

انا اللى بيخلينى ادخل المنتدى كل يوم واتعرف على ناس واتكلم معاهم واعيش طبيعيه وارمى همى بعيد عنى ان املى بربنا اكبر من همى ودعائى ليه ويقينى فيه مصبرنى ومقوينى ومخلينى عايشه يومى الحمد لله حلو مهما كان اوقات كتير مش بعرف اضحك لكن بحس ربنا بيطمنى ويبشرنى بحس وقتها انى ببتدى من جديد

والدعاء بالنسبه لى اهم حاجه فى حياتى وانا فتحه بينى وبين ربنا باب دايما ادعيه منه وعرفه ومتاكده انه سامعنى واكيد ربنا بيسمع كل خلقه لكن انا اقصد سامعنى بانه واقف معايا ومحسسنى برحمته انه هيستجيب دعائى وهيحقق لى املى لانى اول حاجه ماكده يقينى لى بانى بحس ربنا بقلبى الحمد لله ودى نعمه انا بشكره عليها وربنا يديمها عليا

وفيه حاجه عايز اعرفها ليكى انى عمرى ما بشوف حاجه مستحيله غير حاجه واحده هيه الموت لما بيحصل مستحيل الرجوع منه لكن اى حاجه تانيه بيكون عندى امل ان ربنا مستجيب فيها الدعاء ولو عندك يقين بربنا واملك فيه انا متاكده ان شاء الله هيحقق ليكى دعائك والحاجه الوحيده الراده للقدر هيه الدعاء وده من نعم ربنا علينا انه انعم علينا واكرمنا بيه