[ميرا القاضى]

السلام عليكم

كل البنات والمدامات عايز اتكلم معاكم بوضوح اكتر

انا لما كتبت ليكم الاعراض والاحلام دى كانت عن تجربه لى وانا بنت غير متزوجه

اولا /الاحلام بصفه عامه بضياع الحذاء او العباءه بتختلف من شخص لاخر على حسب الرؤيه والرائى اتفقنايعنى مش فى كل الحالات المقصود بيها سحر

انابقول لكل بنت اى بنت بتتمنى ترتبط والمتزوجه بتتمنى الاستقرار ولما بتسمع كلام ذى ده بتألق وتبتدى تتوسوس انا مش عايزاكم توصلوا لده

كل واحده ادرى بظروفها وحالتها النفسيه واحوالها لو مش متزوجه وبالاول وبالاخر هوه نصيب ربنا كتبه لينا وبيقدره متى شاء وكتير من الناس مبتكونش عارفه انها تعبانه وبتعرف بالصدفه لان ربنا اذن وسبب الاسباب وده وقتها وانا واحده منهم

يعنى مش اى حد يشوف ضياع الحذا ءاو حجات شبه كده يعنى ممكن بتكون حاجه تانيه ولها تفسير تانى وبلاش لو واحده حالتها مستقره او شايفه انها طبيعيه ومجرد قرائتها اتوسوست تفتح الباب ده لانه بجد بيكون غلط ممكن الفكير كتير والاعتقاد الخطأ بانها مريضه تصاب فعلا لانها بتكون فتحت باب على نفسها وانا بقول لاى بنت بتحس باعراض او بتشوف الدوره الشهريه كتير او جماع المحارم وعندها اوجاع فى جسمها واى وجع بيتحس عضوى اكيد تاخد بالها

فى اخت قالت متفتحوش باب على نفسكم يدخل منه الشيطان هيه عندها حق بس لو الموضوع مجرد وسوسه وحياتك طبيعيه وانا كتبت ليكم اعراضى واحلامى عشان تكون خلفيه ليكم وتفيدكم مش تشككم فى حالكم وبقول ليها كمان ان مش لازم نغمض عنينا ونعيش مش فاهمين ومتجاهلين حاجه ااكيد ااكيد بتأذينا من غير مناخد بالنا وتاثيرها بيضيع حياه كامله متمناش حد يوصللها

جماع المحارم للاخت اللى سألت معناه ايه؟
الجماع /العلاقه الزوجيه بين الرجل والمرأه مكنتش حبه اتكلم بده عشان ميخرجش
كلامنا عن حدود الحياء بس حاولت ابسط كلامى

والمحارم اكيد عارفه زى الاخ او الخال او العم او الاب او الابن اى حد مش بينفع تتزوجيه

وكتبت قبل كده ممكن تلاقى الجماع او مجرد اى علاقه شبيهه برجل او امراه مش شرط رجل فاهمانى ودى من اول الحجات اللى بتاكد وجود المس او السحر

ووجودك كتير بالحمامات وخصوصا المهجوره عايز اوضح فيه رؤى بيكون فيها دخول الحمام وقضاء الحاجه تفريج هم وراحه من هموم دى اكيد مفهومه واكيد بتتحس رؤيه وبشرى من ربنا لكن الحمامات اللى اقصدها بيكون فيها مطارده وانتى اصلا بتصحى من النوم تعبانه نفسيا ومخنوقه من الحلم لانه اصلا بيديأك فاهمين قصدى انا بحاول اوضح اوى لانى عايز افيدتكم مش تتوسوسوا وتقلقوا

كلامى ده بيكون بس لكل بنت قلقانه من حاجه هيه شكه فيها

او عندها الاعراض او الاحلام دى مش لاى حد عشان متدخلوش نفسكم تعب ملهوش اساس انا بتمنى مكنتش عيشته لانه مش سهل والشفاء منه بتقدير ربنا وربنا يشفينا