[سنــدســ]

السلام عليكم ورحمة الله
جايتكم بطبق خضار لذيذ وسهل وطعمه وااااااو ان شاء الله يعجبكم

تقطعين خضار بطاطس وباذنجان وجزر وكوسة اذا موجود انا ما حطيت وفلفل بارد وتحطينها بالصينية



تضيفين ملعقة زيت وتتبلين الخضار بملح وبهارات وفلفل اسود وشوية كمون



هذي الصورة التتبيله واضحة تقلبينهم مع بعض وعلى الفرن تكونين مولعة النار العلوية وارفعي الخضار فوق حتى تتحمر



في هذه الاثناء نكون مقطعين بصل صغار وشوية فلفل بارد ونحمسهم عالنار مع ملعقة زيت


بعد ما يذبل البصل نضيف مكعب ماجي وملح وبهارات وكمون ونقلبنسيت اصور البصل لما اضفت البهارات



نكون مقطعين الدجاج قطع صغيرة بالعظم نسيت اصورها ونضيفها عالبصل ونسكر القدر لما تطلع موية الدجاج
بعدها نقطع 3طماطم ونطحنها بالخلاط مع ملعقة صلصة



ونضيفها على الدجاج ونتركها تتسبك



نشوف الخضار بين فترة والثانيه ونقلبها لا تنسون

بعد ما يتسبك الطماطم مع الدجاج نضيف ملعقتين قشطة ونحركها



نتركها دقيقتين بعدين نطلع الخضار من الفرن بتكون متحمرررة ومستويه نص استواء يمي يمي
نضيف خلطة الدجاج والطماطم على الخضار ونحطها عالغاز من فوق مو في الفرن ونغطيها بقصدير ونتركها حوالي ربع ساعة على نار هادية او 10 دقايق اذا مستعجلة





وهذا بعد ما خلص الطبق وغرفت منه صحن هديه لعيونكم





اتمنى الطبق يعجبكم ولاتنسوني من دعواتكم

منقول