[أطياف المطر]

أولاً: أهلين وسهلين يا أختي

ثانياً: هو من ناحية المبدأ عادي جداً إذا جاك نصيبك واستخرتي وارتحتي له الله يوفقك

ثالثاً: من ناحية أختك أتوقع إنها راح تتأثر لكن تراها مرحله وتعدي لأني بصراحه مريت بنفس موقف أختك تماماً وأنا لما انخطبت أختي ما بأقولك تضايقت منها لاوالله أنا تضايقت من الناس لأنهم صاروا مايعبروني ولا كأني موجوده وكل ما دخلنا مجلس تشوفينهم ما يعطوني وجه أبداً يعني كأن فيني مرض وكلٍ قام ينفر مني وأما أختي بالعكس والله إني فرحت لها وكنت أدعي لها في أكثر الأوقات بأنه إذا في خطوبتها خير إن الله يتممها وإذا فيه شر إن الله يصرفهم عن بعض ويعوض كل واحد بخير من الثاني وسبحان الله انخطبت قبلي 3 مرات ولا تمت لكن الله يعوضها بالزوج الصالح...

وأنا مستيقنه وعارفه إن رزقي بيد الله وما راح أحد ياخذ رزقي مهما صار وإذا الله كاتب لي الزواج راح أتزوج متى ما جاني فارس أحلاااااااامي.

فأنتي ياقلبي فكري في نفسك وفي مستقبلك وألف مبرووووك الخطوبه والله يوفقك وتعيشين مع فارس أحلامك في سبات ونبات وتخلفوا صبيان وبنات
وأما أختك ما لها منك إلا الدعاء ويمكن تكون خطوبتك فاتحة خير عليك وعليها وترى رزقها بيد الله سبحانه ومتى ما أذن ربي بنصيبها بيجيها وما تدرين يمكن يكون زواجكم في ليله وحده وتصير الفرحه فرحتين،،،


والله يرزقني أنا وأختك وأختي وجميع بنات المسلمين بالأزواج الصالحين الطيبين الكرماء الحنونين الأتقياء الأغنياء الأنقياء مخمومين القلب الذين ذكرهم يملأ ما بين السماء والأرض والله يجعل بيننا وإياهم الرحمة والمودة والسكن ويرزقنا وإياهم بالذرية الصالحه اللهم آمين يارب العالمين،،،