[مارية2000]

المشاركة الأصلية كتبت بواسطة ربيع الحلم ماشاء الله خلصتوا دراسة احنا لسا باقي لنا شهرين ..

هيه خلصنا الفصل الأول .. الحمد لله ..

تدرين ربيع .. خاطري أتزوج واحد يموووت علييه .. كل دقيقة يقولي أحبج .. كل دقيقة يحضني .. كل دقيقة يشتاقلي .. كل دقيقة .........

أمشي وياه و ايدي ملفوفة بإيده .. يدلعني .. يهتم فيني .. ما يخلي شي في خاطري .. أيلس على ريوله .. آكل و أشرب من ايده .. يهمسلي بكلام حب .. يعطيني هدية بين فترة و الثانية ..

يساعدني في شغل البيت .. ينظف و يغسل و يطبخ و يمسك اليهال ..

يقولي أسراره و يفضفضلي و أفضفضله .. يكون صديقي و أخوي و أبوي و في النهاية زوجي

مواصفاته : أحلم دايمًا انه يكون أطول عني .. يعني تقريبًا بين الـ 168 - 170
كتفه عريض ^^ .. أسمر خفيف ( ما داني الريّال الأبيض ) .. مليان شوي ما يكون نحيف ..
غني و الا فقير مب مهم عندي ..

و أهم من كل هذا و هذاك .. يكون ملتزم بصلاته و عبادته و يخاف الله فيني ..
و يراعي مشاعري ..

في النهاية هذا مجرد حلم .. و الحلم ببلاااااااش .. و بو بلااش كثّر منه ..!!!

و بس سلاااامتج ..

*