دق الجهاز وقلت يالله عسى خير ==============وفـتحته بسـرعة بغـير اختياري
من تالي الأوقات حالي غدت غير ================ بعد المصاب اللي ببعض الصغاري
من بعدها يا خوي صرنا مساهير==============قـــلبي تقطـــع عند وقت الغيــاري
من بعدها ينقز مثل نقزة الطـير================ولّع تـرا بالقـلـب يا اخـوي نـاري
الله يسمـعنا الفـرح والتباشير================وآشوفه يطـامر ويلعـب بـداري
يا سعود يابو خير جتلك طوابير============== كل ترا لضحكتك يا سعود شاري
والله هلت العين دمعها ...... كأنك معي في موقفي
قبل أمس بنتي طاحت على السيراميك وانشق راسها من من الخلف وخيطوها والله كانك معي او تشوفنا وحنا نركض في ممرات المستشفى وتصيح وتنقز مثل نقزت الطير
الله يطمنك على عيالك دايم الدوم
ويحفظ لكن داره وكل عياله والمسلمين
الحمدلله على سلامته