تعبت يادنياي انثر بك الدمعِ ~ ودمعي تعب يادنياي مدراري
ضاقت علي الوسيعة وضاقت أحوالي ~ واحوالي ضاقت والوسيعة دوم تنساني
اذكر حياتي بالطفولة وبين الأحبابي ~ طفولتي راحت ونسوني أحبابي
راحوا وخلوني وحيدة في دياري ~ هذي ديرة الدمع وهذي دياري
لاضقت والله من دنياي وحالي ~ اروح واتجه لداري لحالي
اصيح وابكي والحالة ترثى لي ~ وحيدة لاناس ولا اصحابي
اغمض عيوني حيل واتذكر أيامي ~ اذكر حياتي مع أحبابي وخلاني
اسافر وارحل في ذاكرة عمري ~ وصفحاتها اقلبها في مامضى من حالي
اذكر محمد يوم انه يجيني ~ يقول قومي ياشذى نتبادل العابي
يمد يدّه وبعيونه أحلى تعبيري ~ اناظره ابتسم له وهو يبتسم لي
امد يدّي ليدّه والمس الحبِّ ~ المس حنانه وحبه في باطن الكفي
نروح نركض ونضحك على الحالي ~ نسبق بعضنا على اللي يوصله بدري
يسبقني ثم اطيح واتألم وابكي ~ يوقف محله يناظرني ويرجع لي
يجيني يركض ويجلس بجنبي ~ يحط يدّه على رجلي يتحسس الألمي
ابكي اقوله محمد لاتروح عني ~ خلك بجنبي لين يروح الألم مني
وان زال مني وراح لاتبتعد عني ~ ابيك تجي جنبي في كل احوالي
يمدد يدّه لوجهي ويمسح دموعي ~ يقول والله ماخليك ياحبي
والعابي والله غيرك بها مايشاركني ~ يضمني ويبكي واتفاجأ بحالي
"شذى أحبك" قالها وهو يبكي ~ ثم ضمني بقوة لين سالت دموعي
محمد يلا نلعب خلاص لاتبكي ~ واشوفه يمسح بكم ثوبه الدمعي
ونروح نمشي ماسك بإيدي ~ ثم يرجع يوقف يناظر الصحبي
واركض واسبقه واضحك بصوت عاالي ~ ويجيني يضحك يقول فزتي علي
نلعب سوى دايم مع بعضنا البعضِ ~ العب وانا احب الحياة واحب دنياي
افتح عيوني وابتسم وسرحانه عيوني ~ واهل الدمع وارجع على حالي
ابكيك والله إيـه ابكيك يامحمد ~ ارفع راسي للسماء وادعي إلهي
يارب وفقه واسعده وفرج علي ~ تعبت كل ماذكرك يامحمد وابكي
وينه محمد ؟ وين راح عني ؟ ~ منهو حبيبه ياترى وليش عني يقفي
ابكيك يامحمد واناديك "ابطيييت عني" ~ ابكيك وانا كلي أسى على حالي
وين وعدك لي وين كلامك معي ~ كل يوم انتظرك لين مل الانتظار مني
مهما غبت واتخذت غيري رفيق ~ مارح اندم على ذيك الليالي
وتأكد اني حافظتك بقلبي ~ وربي دايم ادعيه تكون متهني
اما أنا فهذي حياتي افتح ~ عيوني واتأمل دنياي واعاني
اغمض عيوني وتبتدي معاناتي ~ ويبتدي دمعي على خدي جاري
وبين هذي وذيك اعيش معاناتي ~ ولولا الأمل بربي ويقيني وإيماني
لكنت انهيت حياتي من اول مشاويري ~ بس احمد اللي خلقني وعالم بحالي
وبابقى انتظرك وحدي بداري ~ تجيني يامحمد واشاركك بالألعابي
دمتم بود ...
الجنة أغلى ,,,