[ـ أم عبدالرحمن ـ]

يا مسندي قلبي على الدوم يطريـك
* * * * * * * * * * * ما غبت عن عيني وطيفك سمايـا
هذي ثلاث سنين والعيـن تبكيـك
* * * * * * * * * * * ما شفت زولك زايـراً يـا ضنايـا
تذكر حياتي يـوم اشيلـك واداريك
* * * * * * * * * * * والاعبـك دايـم وتمشـي ورايـا
ترقد على صوتي وحضني يدفيـك
* * * * * * * * * * * ما غيرك احدٍ ساكن فـي حشايـا
واذا مرضت اسهر بقربك واداريك
* * * * * * * * * * * ما ذوق طعم النوم صبـح ومسايـا
ياما عطيتك من حنانـي وبعطيـك
* * * * * * * * * * * تكبـر وتكبـر بالأمـل يـا منايـا
لكن خساره بعتني اليـوم، وش فيـك؟
* * * * * * * * * * * واخلصت للزوجه وانا لي شقايـا
انا ادري انها قاسيـه مـا تخليـك
* * * * * * * * * * * قالت عجـوزك مـا ابيهـا معايـا
وخليتني وسط المصحه وانا ارجيك
* * * * * * * * * * * هذا جزا المعروف وهـذا جزايـا؟
يـا ليتنـي خدامـة بيـن اياديـك
* * * * * * * * * * * من شان اشوفك كل يوم برضايـا
مشكور يا وليدي وتشكر مساعيـك
* * * * * * * * * * * وادعـي لـك الله دايـماً بالهدايـا
حمدان يا حمـدان امـك توصيـك
* * * * * * * * * * * اخاف ما تلحق تشـوف الوصايـا
اوصيت دكتور المصحه بيعطيـك
* * * * * * * * * * * رسالتـي وحروفهـا مـن بكايـا
وان مت لا تبخل علـي بدعاويـك
* * * * * * * * * * * واطلب لي الغفران وهـذا رجايـا
وامطر تراب القبر بدموع عينيـك
* * * * * * * * * * * ما عـاد ينفعـك النـدم والنعايـا
....... ما عـاد ينفعـك النـدم والنعايـا

__________________________________________________
منقول .. ولا أعرف إسم صاحب الأبيات حقيقة .. ولكنـّها مؤثـّرة جداً