[رب همة تصنع أمة]

الشاعر عايض ابو شيبه السبيعي

سلمـت ياعـز الـبـلاد و سعـدهـا

يا خادم البيتيـن يـا ذخـر الأسـلام

مرضك هز الـدار وانهـك جسدهـا

ارتـاح وإنـا لـك بـالأرواح خـدام

تدعيلـك انفوسـن تـزايـد نكـدهـا

من لحظة اعلان الخبرعبـر الإعـلام

لأنـك سبـب عـز البـلاد ورغدهـا

وحققت بعـد الله طموحـات واحـلام

وجهـود ملموسـه وكلـن وجـدهـا

تـزداد مـع مـر الليالـي والأيــام

وعقدت لك جلسـات محـدن عقدهـا

وفي منهج الأصلاح لك دور وإسهـام

مواقفـك و شلـون نحصـي عددهـا

مواقفك تطغـى علـى كـل الأرقـام

مدت يـدك بالجـود محـدن جحدهـا

منها يعيش الشعب فـي خيـر وانعـام

وكـم ام ماتـت مافقـدهـا ولـدهـا

يلقـى مراكـز تحظـن الأف الأيتـام

وكـم شايبـن خدمـة عيالـه فقدهـا

يعيش في دارن جلـت عنـه الأوهـام

وكم ارمله مـدة مـن الجـوع يدهـا

من بعد جودك مابكت تحـت الأقـدام

وكم خيمتـن طاحـة وترفـع عمدهـا

و تحيلهـا فلـه بتعتـيـق وارخــام

من طـارف انجـازات كلـن شهدهـا

فـي مبتداهـا ينتهـي حبـر الأقـلام

غيـر النفـوس اللـي غباهـا قردهـا

تأثـرت بأمتابـع احـروب و افـلام

جتنـا تبـي تفقـع نظـرهـا بيـدهـا

مدري تبي حكـم الشريعـه بالأعـدام

تبغـا جنـوب الـدار بأخـر جهدهـا

في ليلن اظلم تعمـل افخـاخ والغـام

ويومن ابـو متعـب بجيشـه عمدهـا

حول غضب ربي على روس الأقـزام

في ليلتـن صـوت القذايـف رعدهـا

ولا مطرهـا رش بــارود بأحـكـام

ثـم ذابـت الفتنـه بداخـل لحـدهـا

وفوق الشواهق رفرفرت روس الأعلام

و الله يخـلـي للعـروبـه اسـدهـا

و يدوم عزه للوطـن طـول الأعـوام

إهداء من إبنتك أم مازن