[ضاعت أحلامي]

المشاركة الأصلية كتبت بواسطة عبقر للأسف.. كثير من رجال مجتمعنا من هالنوع، حتى المتعلمين منهم، البعض لا يسلم من هذه العلة، ولكن يا ضاعت أحلامي، قليل من الخوف والحرص عليك، أيضاً لا يزعج بل يفرح ويدل على غيرة الرجل عليك، ولكن هم يقومون بهذا الشيء بطريقة (صلفة) وجاهلة ومباشرة وكما ذكرت وكأن الزوجة "طفلة" ومثل هؤلاء الأزواج أنا نفسي لا أطيق البقاء معهم عند الجلوس معهم، فكيف بالزوجة، وخصوصاً اللي يقولون عن المرأة "عيالي" يجيبون لي المغص، وهناك الكثير من الشباب وهو يكلم زوجته يكلمها بصيغة الجمع وهذا شيء يرفع ضغطي، يا أخي ليش تقول رحتوا طبختوا وش تبون، وهي شخص واحد، ويكلمها وكأنه يكلم عامل عنده، جبهته متلوية ومقطبه، وصوته حاد ورسمي جداً في الكلام، قال ايه عشان ما تاخذ علي، وش هالتفكير، يعني الرسول صلى الله عليه وسلم يوم كان يدلع زوجاته ويقدرهم، أخذوا عليه، سبحان الله في عقولنا.

انت ذكرت نقطه مهمه تزعج المراه جدا وهي ( العيال )


كنت اتنرفز اذا سمعت اللي عندي يقول عني ( بروح اودي العيال او بجيب العيال العيال سووا وحطوا )...... ماادري ليش هذا المسطلح اللي يحسس المراه وكانها عاااااله ونكره او شيء يخجل منه الرجل !!!!

وش فيها اذا قلت بروح اودي زوجتي ؟؟؟!!........اعتقد الكثير من الرجال ( المعقدين ) يرا ان فيها نوع من حفظ العرض ومن باب الغيره ( الماصخة ) على الزوجه او شيء من هذا القبيل .... يعني ماادري هل هو مراعاة لمشاعر الرجال العزابيه ام ماذا

عجزت اعرف السبب !!


وبالنسبه لقولك انها تفرح ولاتزعج لانها تدل على غيرة الزوج عليك ....

اخي اعلم ان هناك من الغيره ( المرضية ) اقسم بالله اني اعرف ازواج يغارون من الطفل اذا ولدته زوجته واهتمت به ... تجد الزوج ينهبل ويغار ويسوي حركات مزعجه كانه طفل .... وطبعا ناهيك عن حب التملك الناتج ايضا من هذه الغيره المرضيه

صحيح الغيره حلوه ولكن بحدود وتكون في محلها .... مو يغار من ام الزوجه او صديقاتها ولكن لايغار من امور اخرى تستحق انه يغار على زوجته فيها !!!!

مثل هؤلاء الرجال غيرتهم مرضيه وفي غير محلها تخنق الزوجه وتخليها تكرهه شيئا فشيئا !

وشكرا لك على الحوار المفيد