[منتهى الدروب]

ماشاء الله لا قوة الا بالله.. اهنيك على كفاحك جد شيء تفخرين فيه..
عشت معك اللحظات لحظه لحظه جد مشقه وتعب طاح قلبي لما ضعتوا في الصحراء جد خفت..بس على كثر ما دعيت لك ان الله يعينك.. هنيتك من كل قلبي وتمنيت اني عشت انا هذا الدور ادري بتنعتوني بالجنون بس قسم حسيت انه شيء روووعه>>احب المغامرات وش رايك اجي معك ترا بنفلها انا اذا زاد علي الضغط اتجهت للشيء المعاكس بدل البكاء ضحك وناسه خخخ.. حلو انك تشوفين لك اثر وانجاز في هذي الحياة واحمدي ربك الي اختارك تكونين في هذه الهجره ويمكن تكونين سبب في اشياء كثيره لهم وطالبي لهم بالي تقدرين عليه..واكيد انتي وجه خير عليهم.. وكفايه تكسبين قلوب طيبه نظيفه ما عاشت ترف الدنيا وتلوثت نفوسهم بالحقد والجشع من الي نشوفه الحين في مجتماعتنا الا من رحم الله.. بعدين اذا نقلتي بتذرفين دموعك وتشوفين وش حلو البساطه والناس البسيطه وعيشتهم..وترا هذي العيشه بتصقل شخصيتك وتكبر عقلك وبصيرتك سنوات قدام يعني شوفي كم مستفيده اكثر من متضرره والله تلقين وش كثر بس اذا استشعرتيها فعلا عندها بتحمدين ربك وترضين وتعرفين ان ربك يحبك..

كلامي كثير بس فعلا اعجبني صبرك وكفاحك واعجبني شيء ثاني النظافه اول وحده تقولك خخخ لا بجد لمست النظافه باشياء كثيره اعطيتي روح للمكان الي انتي فيه ماشاء الله عليك.

بس باسألك ليش تدورين كل شيء بالغاز.. ليش ما تشترون مولد كهرباء الي يتعبأ بنزين او ديزل ومنه احجام صغيره بس اهم شيء تعرفون تشغيله واجراءات السلامه بتاعته.. وجهزوا جوالين بنزين الله يعينكم بس اهون بكثير من الغاز والقاز.. وامن على صحتكم..وتقدرون تشغلون عليها اشياء كثيره بس اهم شيء ماتزيدون عليه الضغط ..ربي يكون بعونك ..
واقلبوا حياتكم وناسه وعيشوا بجنه بلا نت بلا جوال بلا تلفزيون بلا خرابيط والله اريح نفسيا ولا شيء يشغلك عن الطاعه وخلي حياتك غربه عن اهلك ولكن رحله مع الله عيشيها بنشر العلم وتوعيتهم بكل صغيره وكبيره اوصلوا لبيوتهم علموا الكبيرات جيبوا معكم تبرعات وزعوها ووووو...هذا نهاركم وليلكم نوم وراحه وصلاه واستغفار وش احلا من كذا..
الله يكتب لكم الاجر ويحرسكم من كل اذى وشر..ويجعل كل اعمالكم خالصه لوجه الله.

اضم صوتي للي طالبوا بحذف صورة الطالبات حفظا لكرامتهم ..ادري انه من حبك لها بس مهما كان حتى لو كانوا راضين حطي بدالها صورت اختك اوعيال اخواتك حتى هم تفتخرين فيهم