[عبقر]

المشاركة الأصلية كتبت بواسطة ضاعت أحلامي عوده مره اخرى للموضوع الغني بالصفات وواضح فيه معاناة المراه مع الرجال (: صفه اخرى ادرجها لانها فعلا مزعجه ( وازعجتني شخصيا ) : ان يعامل الزوج زوجته وكانها ابنته المراهقه يقيدها ويمنع حريتها يعني مافيه احترام لارائها ولخصوصيتها ولهواياتها اعطيكم مثال : رن جوال الزوجه او تلفون المنزل وجلست الظزوجه تتحدث مع صديقتها مثلا او قريبتها او امها .... ياتي الزوج يستلمها تحقيق من هذه اللي تكلمينها الزوجه : صديقتي او بنت عمتي اللي هي .. الزوج : ( كم عمرها ؟ وش اسمها ؟ من هي بنته ؟؟ لا لا مهيب زينه لازم تتركينها ويبدي رايه في كل صغير وكبير ويتدخل في اللي مايعنيه ويحشر نفسه في امووور النساء ) وش دعوه كل هالاسئله ليش ......لاتعليق !!! مثال اخر : الزوجه تنظر الى مسلسل في التفاز ياتي الزوج يغير القناة ويبدا يتفلسف ليش تشوفين هالمسلسلات وهي ضررها اكثر من نفعها شوفي هذا ولاتشوفين هذا ( مع انه يشوف اللي اشياء رديه ولااخلاقيه ومافيها نفع الا فيها ضرر كبيررررر ) ... ويحذف القنوات ويحط ارقام سريه حتى الزوجه ماتشوف القنوات اللي تبيها ؟.؟؟؟!!!! بحجة انه هو رجال البيت .!!!!! لاتعليق يعني الزوج الحشري اللي يقيد زوجته ويمنع حريتها ... ويفرض رايه عليها ولايحترم رايها ويحط من قدرها ويعاملها كانها بزر عنده .... هذا مو رجال لانه يمارس معها السلطه ( حاكم ومحكوم ) وماينطاااااااااق ابد وراح تكرهه الزوجه عاجلا ام اجلا !!! تقبلوا مروري ...

للأسف.. كثير من رجال مجتمعنا من هالنوع، حتى المتعلمين منهم، البعض لا يسلم من هذه العلة، ولكن يا ضاعت أحلامي، قليل من الخوف والحرص عليك، أيضاً لا يزعج بل يفرح ويدل على غيرة الرجل عليك، ولكن هم يقومون بهذا الشيء بطريقة (صلفة) وجاهلة ومباشرة وكما ذكرت وكأن الزوجة "طفلة" ومثل هؤلاء الأزواج أنا نفسي لا أطيق البقاء معهم عند الجلوس معهم، فكيف بالزوجة، وخصوصاً اللي يقولون عن المرأة "عيالي" يجيبون لي المغص، وهناك الكثير من الشباب وهو يكلم زوجته يكلمها بصيغة الجمع وهذا شيء يرفع ضغطي، يا أخي ليش تقول رحتوا طبختوا وش تبون، وهي شخص واحد، ويكلمها وكأنه يكلم عامل عنده، جبهته متلوية ومقطبه، وصوته حاد ورسمي جداً في الكلام، قال ايه عشان ما تاخذ علي، وش هالتفكير، يعني الرسول صلى الله عليه وسلم يوم كان يدلع زوجاته ويقدرهم، أخذوا عليه، سبحان الله في عقولنا.