السلام عليكم
شخبارك اختي رورو والله لك وحشه انت وباقي الاخوات .....
انا صاير دخولي قليل هالفتره لانشغالي ..
الاسبوع الماضي جانا شيخ من الرياض ( وطبعا ماجاء الا بملغ وقدره ) بس لاننا بحاجته انا وامي والوالد ....
كنا نشك ان الوالد مسحور والغريب ان الشيخ قرا عليه وماتاثر !!!! وقال الشيخ انه حسب ماتبين لخ انه مافيه شيء من الامراض الروحية ( انا الصراحه مااقتنعت بكلامه ) لان بعض الحالات مايبين وش معهم من اول جلسه خاصه اذا كان قديم ومتمن منه المرض
وانا الله وكيلك قرا علي لوحدي وانواااع التفحيط هههههه قال فيك حسد قوي على الدراسة + الزواج + الجمال ):
حسبي الله عليهم وش خلوا فيني شي ماحسدوني عليه .....
المهم كتب لي اشياء غريبه قال جيبي شبه وحلتيت وكف مريم وتبخري فيهم من تحت يعني !!
هل فيه احد جرب هالطريقه انا خايفه منها كثير ):
وخوفتي بكلامه قال تكيسات المبايض ممكن تكبر لاتستانسين ( لاني قلت له صغيره وطبيا مايحتاج علاج )
وقال ممكن المس اللي فيك يتحول الى مس عاشق اذا تهاونتي وماعالجتي بالرقية ( كلامه هذا خوفني كثيييير ) ... وكملها وقال تحتاجين جلسات تعالي عندي الاسبوع الجاي في الرياض انتي ومحرم لك حتى اقرا عليك واعطيك برامج علاجيه وانا بصراحه خفت وتحججت اني مشغوووله بالدراسه ( ماني فاضيه وينا فيه ورانا عيد وناس مو ناقصه مرض وعوار راس )
قال ان التكيسات اللي فيك اصابتك بسبب الحسد لانه متركز هنا في هذه المنطقه .
قال ادهني جسمك بزيت زيتون ( هو قرا فيه ) من راسك الى اخمص قدميك .
قال جيبي ماء مغلي وحطي فيه زيت حبه سودا وتبخري فيه من تحت .
قال خذي كف مريم وخلتيت وشبه من العطار وتبخري فيهم من تحت في مكان فيه تهويه لانه ريحتهم قويه.
وقال اقرئي يوميا سورة يس وكرري كل اية 3 مرات .
وقال اقرئي بعد كل صلاة سورة الفلق . وكرري اية ( ومن شر حاسد اذا حسد )
وطبعا نصحني بالاذكار المداومه عليها بعد الفجر وبعد المغرب.
وقال اشربي ملعقة زيت زيتون مقري فيه يوميا 3 مرات بعد الاكل ( صباح - مساء - ليل )
هذا اللي قاله لي وحبيت افيدك فيه لان حسب مافهمت من كلامك انك ايضا تعانين من الحسد .
واهم دلالات الحسد ( انك تتاثرين من اي ايه فيها كلمة حسد ) وتبكين بكاء قوي .
والله يشفيك ويشفينا
ادعي لي اني ابدا علاج لاني للان مابدات خااااايفه من الاعراض المترتبه وخاصه ان العيد قريب وانا نفسيه زفت مالي خلق شي يزيد الطين بله
وحسبي الله ونعم الوكيل على الحسده والسحره الله ينتقم منهم ويصيبهم بمثل مايصيبون الناس به