ياربي معاناة مؤلمه
وأشجع فيك هذه الروح والعزيمه والصبر والقوه ماشآء الله تبارك الله
..
بقولك شي ترى الشتاء في مثل هالهجر جدآ قارس ..يعني من بدري جهزي مكانك
وجهزي لك دفايات مو كهربآء (القاز) ودفايات الغاز تعرفينها اللي فيها أعمده وتسخن بعد فتره ترى جدآ رائعه للغرف
قبل وقت النوم او الجلوس بالغرفه شغليها وأغلقي الغرفه وراح تدفى إن شاء الله ...ولازم تكثري من المحارم والبطانيات الثقيله ...والشرابات ..وايضآ المشروبات الدافية يعني الزنجبيل الحليب والشابوره...وعندي فكرة للسخان
تعرفين السخانات مثل اللي تستخدم بالتخييم شكله اسطواني معدن كبيره يعني بحجم السخان الكهربآئي وبنهايته حنفية ويحطوه على النار ..هذآ جدآ ممتآز عبيه مويه بالليل وإذا صحيتي الصبآح قبل الإذان او قبل تتوضي بفتره وأشعلي النار وأتركيه يفور وثم خوذي منه ومن الماء البارد شوي وتوضي...هذا راح يريحكم لان سعته كبيره...((همسه اخيره:لاتنسين الطالبات الفقيرات بالشتاء بعضهم مايحصلوا شي يدفيهم في اللبس أشتريلهم من المدينة جاكيتات او اللي تقدري عليه))كان الله في عونك ولاحرمك الأجر والثواب ...دعوآتك