مرثية ام في ولدها - رحمة الله - قصة وقصيدة .

--------------------------------------------------------------------------------

منقولة :
الابيات قالتها الشاعره عيده ام بدر المطيري الذي حكم على ابنها بالقصاص وقد تم تنفيذ القصاص يوم الخميس 22/3/1422هـ

تقول ام بدار قبل اربع سنوت كان ابني بدر يدرس في الصف الثالث في احد مدارس حفر الباطن تقول حدثت مضاربه جماعيه بين طلاب المدرس ونتج عن هذه المضاربه وفات ابن خالها مفرج رحمه الله وقد قالت هذه القصيده تطلب من اهل الخير التوسط لدى خالها والدعاء بن يتنازل خالها عن ابنها بدر تقول .
[ يا الله ياللي باب رحمتك مفتوح =

دايم على طول المدا والليالي

يالواحد المعبود يا خالق الروح=

علمك بحالي كافي عن سؤالى

ارحم يتيم بين الابواب مطروح =

نفسه تردد فيه والجسم بالي

سر يا قلم واكتب جوابي على اللوح=

وسطر بيوتن مثل نظم الريالي

مدادها من عبرة جالها فوح =

من وهجن بالقلب ضيق بحالي

وبلغ سلامي حرب سالم ومسروح =

من الخليج الى اليمن والشمالي

واهل القصيم ونجد والواد ابو دوح=

والساحل الغربي وذيك التلالي

عيني تهل الدمع والقلب مجروح =

مير افزعوا لي كلكم يا خوالي

الورع في سجن الحفر وامه تنوح =

حفيدكم يامكرمين العيالي

اتلا العهد به يوم شالوه مسدوح =

وموثقن في محكمات الحبالي

والحكم صادر والقضاء يرق الروح =

وحان الوعد ما باقي إلا ليالي

والله لو أنه يوم الاحداث مذبوح =

لنساه واصبر عنه مع ماجرالي

وا ونتي يا خال من داخل الروح =

ونت صويبن طاح والجو خالي

خلي العكفان الدناقير مطروح =

في موقعن تسفى عليه الرمالي

والعذر ماينفع ولاينفع النوح =

ان كان خالي ضاع فيه المجالي

والخاتمه يااولاد سالم ومسروح =

ذبحة بناخيكم عليكم وبالي

واصل القضيه لعب ورعان ومزوح =

وما قدر الله ما عليه احتيالي

ومصائب الدنيا تجي يوم وتروح=

ولواعاتها تدور دور المحالي

والعفو ما بين الاجاويد ممدوح =

ليا عفوا عن الحمول الثقالي

والصبر باب لاهل الخير مفتوح =

والله يحب المحسنين الرجالي

من يفعل المعروف والبال مشروح=

جزاه عند الله عزيز الجلالي

هذا وصلوا عد براقٍ يلوح=

على النبي عداد وبل الخيالي