[فسرو لي لو سمحتو]

بما أن الدكتور فهد قال بلسانه أنه سأل أحد أعضاء هيئة كبار العلماء ليش الى الحين البعض يجادل !!
اذا تجادلون لأجل أنه من باب الاسراف وانه لايجوز واستغلال فأنا أذكركم بأن حسن الظن واجب وخصوصا في شخص أثبت لنا أنه لايتهاون في أمور دينه ودنياه وخطوته بالتفكير في التورع اكبر دليل على صدق كلامي !!
سبحان الله اكثر من ينقل هذه المواضيع إما أن يكون قليل مايحلم أو أنه مادخل هالمنتدى إلا مرات بسيطه وماجّرب صعوبة الوضع في المنتدى المجاني والرفع والشحاذه لبعض المعبرين حتى يعبرون لك الرؤيا وأحيانا تصل رؤيتك الردود الى الرقم 80 وكلها رفع للرفع يرفع عبرو لي !!
فإذا كان في شخص يعاملك ويتصرف معك كأنه لايوجد الا انت ويعبر لك رؤيتك بكل هدوء وكل راحه نفس وطمأنينه ألا يستحق منك مالا !!
سبحان الله أنا عن نفسي لو أن الدكتور فهد يعبر مجانا وماكان فيه منتدى للمشتركين كان انا من نفسي عطيته فلوس أو على الأقل هديه بسيطه تعبير مني عن شكري وامتناني !!
والله أني أسويها مع بعض معبري المنتدى المجاني يعبرون لي وينصحوني ويوجهوني وأقسم بالله أني اصرف مبالغ من المال لوجه الله من أجلهم وبعلمهم ومن دون علمهم ومن أجل وقتهم وجهدهم الذي قضوه من أجلي!!
والله لو أن لكم حق عند أحد والله ماسكتو عنه والحين نشوف البعض والله لايبلانا في السوبر ماركت تتهاوش مع الكاشير ليش انه يعطيها علك بدل نص الريال قال ايش قال حقي فلوسنا وتعبنا لين حصّلناها طيب الدكتور فهد وش قاعد يسوي يلعب ؟؟ قاعد يتعب ويكرف وهذا حقه اللي يستحقه !!
والله لو أن أبوي يرضالي أكلم رجال ويسمعون صوتي كان اتصلت على الشيخ صالح المغامسي وشرحت له الوضع بنفسي بما أني عضوه شبه قديمه في هذا المنتدى وبينت له كيف ان الدكتور فهد يستقبل ويعبر رؤى من رسايل ومكالمات ومنتدى وبرنامج خاص ومابقى يمكن إلا بالأوراق المربوطه على رجل الحمامه وتقريبا صارت وظيفه له هل يجوز ياخذ عليها أجر ؟؟؟؟
ياناس اتقو الله ولاتجيبون فتاوى من عندكم من غير ماتكونون عايشين الوضع زين وعارفين طبيعة حياة الشخص اللي يعبر لكم وكيف يقضي جل وقته في خدمتكم وأنا والله ماتكلمت الكلام انتظر شكرا او عرفانا ولا تكلمت أبدا من ناحية الدين ولا اسشهدت لا بفتوى ولا بآيات وكل كلامي لأني وضعت ثقه مطلقه للفتوى اللي جابها الشيخ فهد وأعرف أنه انسان يخاف الله ومستحيل بياخذ فلوس بالحرام ..
شكرا لك على اتاحة الفرصه يامعبرتنا حنين طلعت اللي بقلبي كلّه اذا مااعجبك ردّي احذفيه سوي اللي تبين اهم شي اني قلت اللي بقلبي ..
جزاكم الله خير ..