كانت تقولي نذر عليا ياصابرين احضر زواجك ولو محموله
قلت لها: وانا بإذن الله احضر زواجك
قالت انا مالي حض من الزواج خطبني سليمان قبل الحادث وبعد الحادث راح
وحكتلي عن غيرتها من بنات خالتها وغيرتها من روحت امها لهم وهي احوج منهم لامها وحكتلي عن زواج ريم وقالت حتى مافكرت ترسلي بطاقه دعوه لزواجها هما يعرفوا ماراح احضر بس ما ارسلت ولوجبر خاطر
وارسلت ابيات كتبتها عن ريم....
مها الناصر تقول :
(الى ابنت خالتي العروس ريم وفقها الله)
قالت:خطبت تقولها متفاخره
وغدا سياتي دور اختي الصابره
وغدا سياتيك الخطيب كفارس
او راكبا سيارة او طائره
وغدا سنفرح كلنا بزواجها
ونرى بنيها سادة ودكاتره
وغدا سينسى الناس كسر ضلوعها
وجروحها ودموعها المتقاطره
اتقول ذاك شماتة؟ والله قد
علم الخفي من المقال وظاهره
انا رضيت بما الاله اراده
من ردت الاقدار بنت خاسره
حمدا لك اللهم حمدا طيبا
ارجو الثواب عليه يوم الاخره
فإن ابتليت فقد كفيت مصائبا
انعام جودك لم تزل متواتره
لكني ارجو واطمع في الشفا
واليك ارفع حاجتي متصاغره
ان تجبر العظم الكسير فاني
لا استطيع مع الشتاء مصابره
واغفر(لاروى) والحبيبة اختها
(ليلى)فان قبورهم متجاوره
واجمع(مها) بهما بدار كرامة
فيها وجوه ناعمات ناضره
انا لست اطمع في الزواج وكيف ذا؟
والصدر مني قد لواه دكاتره
انا لست اطمع في الزواج وكيف ذا؟
والعظم مني قد شكا لجابره
انا لست اطمع في الزواج وكيف ذا؟
وانا الكسيره غير ان شاعره
انا لا أأمل في الحياة سعادة
( لكني ارجو ثواب الآخره)
هم ويغرس في اظفار البكا
ولو استطعت كسر منه اظافره
****
قالتلي مها
اسمعيني صابرين
اصاباتي بسبب الحادث هي
صمام دايم بسبب التوى الحنجره
وكان هناك سواد في رقبتي نازل الى كتفي بسبب تمزق بعض الشرايين وانحباس الدم والحمدلله بدا هذا السواد بالاختفاء
اعيش بثدي واحد
كسر في عظام الصدر (لاينجبر) وكل 8 اشهر اسوي عملية شد اسياخ
ضمور في رجلي اليسرى ولاامشي الا بعكاز
وبمساعدة شريفه حتى بدخولي للحمام( اعزكم الله)
واستحمامي احتاج لشريفه
واذا صعدت درجتين فقط كاني اصعد عماره من تسعين طابق
صابرين انا بعد اسبوع باسوي عملية شد اسياخ والله انها مؤلمه وخطيره
بكيت كيف اقدر اصبر على فراقها وان ليا اشهر ارسلها كل يوم؟ غير خوفي عليها وان العمليه خطيره
هدتني وقالت راح اجلس شهر في المستشفى وعندي لك خبر يفرحك
ابوي واخوي في ايام عمليتي بيجون عمره وبيمرون عليكم كلمتهم يوصلون لك بعض الاغراض
الشايب اللطيف ماعنده مانع مع استغرابه
واخوي موافق وامي ماتقدر تنطق بحرف
...فرحت جدا بهذا الخبرحسيت العلاقه بتكبر اكثر خصوصا اذا اخوها تعرف على اخواني يعني في امل اشوف مها...وطلبت رقم اخويا عشان تعطيه اخوها وطلبت وصف البيت اعطيتها العنوان والرقم كلمت اخويا بالموضوع ماكان يعرف بالقصه(والله صارت ليا مشاكل)......
قالتلي مها ايش بتجبيلي هدايا يا صابرين ؟
قلت مفاجئات
قالت من السوق ؟
قلت ايوه
قالت لا تكفين ماابغى شي من السوق ابغى شي من اغراضك انتي
مشطك ..طرحتك..عطرك.. ملابسك أي شي يخصك
قمت اتصلت قلتلها ليش يامها ايش تبغي با اغراضي اخاف تتعلقي فيا وتنسي صلاتك وحفظك للقرآن
والله في هذي اللحظه سمعت صوتها وهي تبكي والله ما انسى الصوت
صوت حشرجه وصوت حدايد
قفلت الخط على طول
ارسلت
ارجوك صابرين ارجوك ترسلي شي من اغراضك ما ابي اغرض السوق انا ما اخرج ولا احد يجيني
ولو ابغى شي من السوق اخوي ثري وعنده 3محلات
ارجوك فكري في الموضوع زين
طبعا من غير تفكير الا بالعواطف
وافقت فرحت كثير ووعدتني ترسل اغراضها ودفتر بخط يدها
جا وقت الوداع ودعتني لاجل عمليتها واستودعتها الله...
( تذكرت )اليوم الثاني من وداع مها خرجت وحده ع الشريط وكان لقبه فصفص تكتب اشعار بالغة العربيه وتطلب من وحه السماح والاعتذار(حسيت انها صديقة مها جئت سبحان الله كانوا صديقات مها الباسقه وجئت يتكلموا باللغة العربيه زيها ويحب الشعر بالغه العربيه) دخلت الشريط وراسلتها سالتها انت جئت؟ مها تحتاجك مها في المستشفى؟
قالت من انتي؟ انت قريبة مها وش فيها مها؟ قلت انا صاحبتها تعرفت عليه من الشريط زيك...
مها عندها عمليه روحي زوريها في المستشفى
قالت مااقدر اخاف الاقي امها
قلت ماعليكي اهم شي تفرح بك مها والله تحبك
قالت بس امها #طردتني # الله يهديها المهم حاولت فيها...
انتقل لموقف ثاني واهم آآآآآآآه
******