[الاماراتية]

تعودي على هالشي حبيبتي

مثلا قبل الزواج تشترين اللي تبينه بس عقب الزواج الزوج هو اللي يصرف عليج ..

ويمكن ما راح تحصلين منه اللي كنت تحصلينه من اهلج ..

مب بخل منه بس يمكن لانه يحس انه ما له داعي كل هالفلوس عشان ليلة وحدة

انا حالتي نفسج

يعني يوم تزوجت وحدة من قرايب زوجي .. اهل زوجي كلهم اشتروا فساتين .. وانا قلت حق زوجي انا بعد ابي لاني عروس مر على زواجي تقريبا شهرين لازم اكون كاشخة قاللي اذا كان عرس حد من اخواني او اخوانج اوكي مو مشكلة .. بس مو كل حد يعرس وانتي تصرفين هالكثر .. اذا جذي عيل بنفلس خخ

فاستعرت فستان من صديقة اختي .. وكان حلو واااايد .. وعادي يعني .. ما حسيت عمري اقل منهم ..

بالعكس فستاني كان احلى منهم ..

وفي النهاية ارضيت نفسي وارضيت زوجي ..