أختي قمر الرياض جزاك الله كل الخير على ردك الحلو والوافي كل الامور اللي قلتيها اسويها ولله الحمد ودايما اذكره بطريقه غير مباشره ولكن لا حياة لمن نتادي
صحيح كلامك وايد من المراهقين يمرون بنفس التجربه ولكن انا عندي اخ مات في عمر الزهور وبعيد الشر عن باقي اخواني عسى عمرهم طويل ان شاء الله بس الموت مايعرف كبير ولا صغير ومابيه يموت على ذنبه ابيه يتووووووووووووووووووووووب بس ماعرف اشلوون أأثر عليه
حتى اخوي الثاني اللي اكبر منه ضايع عسى ربي يهداه ما يصلي!!!!!!!!! وتعبت تعبت تعبت معاه والله اني احط راسي في حضنه وابوس يده عشان يصلي بس ويقول طيب ان شاء الله ولكن ماشوف شي والله قلبي يعورني عليهم مابيهم يضيعون
والحمدلله انا ادعي على طول وبستمر في الدعاء وبلح فيه لين ربي يستجيب