[ورد الريـاض]

اهلا بالغاليه حصه

والله موضوعك مهم جداً

بالنسبه لي ....... لي ملاحظات كثيره على المناهج اولها طول المنهج واحتواء بعض المناهج على مواضيع لافائده منها انا مر على تخرجي تقريباً 4 او 5 سنوات ولا اذكر هذه المواضيع لكن اذكر هذا الشعور
وايضاً تحتوي المناهج على مواضيع تحتاج الى تفصيل ولا تفصل او لاتشرح بالشكل المطلوب يكون شرحها رمزياً
ويعتمد في الشرح على المعلمه واذا لم تكن المعلمه متمرسه في الشرح وملمه بجميع جوانب الموضوع رحنا فيها وتبهذلنا وقت الامتحان ليش؟ لان الموضوع يندرج تحته اسئله لا نلاقي حلها مع المعلمه ولا في شرح الكتاب عن جد وقتها اتضايق كثير من الطريقة هذي حتى المواد العلميه يكون فيها مسائل كثيره ويكون نموذج الحل في الكتاب لاسهل مسئله والمسائل الصعبه نحتار فيها مافيه شرح يبرد القلب ما ادري كيف تعلمنا صراحه تعليمنا كان بمشقه على عقولنا تعبنا كثيييير من هالسلبيه في المناهج
وما ادري ليش المناهج طويله والمواد كثيره كنت وقتها اقول رفقاً بنا والله نتعب من حمل الشنط المحمله بالكتب الكثيره والمتينه يعني المفروض بدل من اطالة المناهج وكثر المواد واعاده للمواضيع في كل سنتين او ثلاث كان المفروض تقلل المواد
وتقلل المواضيع ويكون فيه تنوع في المواد ايام الدراسه اتكلم عن نفسي عاجبتني كثييييير طريقة علم النفس وعلم الاجتماع
كانت مواد جديده ولذيذه ودرسناها تقريبا في سنوات مختلفه احس اني فهمتها وتشربتها بعكس المواد الثانيه من نشوف متن الكتاب والحشوا اللي جوا الكتاب تنسد نفوسنا ويضعف تركيزنا
بعدين ليش نفتقر للمناهج العمليه والثقافيه ليش كل شيء علمي وجوا الفصل ليش مايكون فيه مواد تعلم برا المدارس يكون فيها تجديد للطاقه وللذهن وفهم اكثر
اعتقد هالشيء مطبق في المدارس الاكاديميه فليش مايطبق في كل المدارس
فيه امور كثيره لازم تتصلح وتتنظم
وايضاً مافيه اهتمام بالجانب الاجتماعي الامومه والاخوه الحياة الزوجيه والقدره على حل المشاكل وايجاد الحلول ليش هذي لازم بتخصص ليش ماتُعلم من المرحله المتوسطه مثلاً
وكلها كوم وسنه اولى ثانوي كوووووم بصراحه ظلم للطالبه المواد مرره كثيره ومتنوعه وتعتبر هالسنه عنق الزجاجه للطالبه فليش تتحمل الطالبه هالعبئ الكبير في هالسنه ما ادري احس ان المناهج يبيلها اعادة نظر وتنظيم ولازم تصاغ بشكل يحمس الطالبه ويفتح نفسها للمذاكره وانا هنا ما اقلل من قيمة مناهجنا بالعكس مناهجنا قمة في الروعه لكن هذي تعتبر ملاحظات لا اكثر ولا اقل هذا اللي جاء في بالي الحين وفي انتظار ماتخفين عزيزتي حصه

والف شكر لك على طرحك للموضوع