اخي الكريم Midomssh
رأيك يهمني كرجل تتفهم وضع زوجي وشعوره ...
وصحيح هو يتعامل مع اهلي بالحسنى وما يقصر معاهم .. بالعكس يدور رضاهم قبلي .. ويدعمني لطاعتهم ...
وانا ما اطلب منه معاداة اهله ابدا والله ان انا كمان اشوف احيانا تحصل مشاحنات عائلية وانا انصحه بالتفاهم ، واروح انا بنفسي اخذ اخوته الصغار فسح يوم يكون هو زعلان وواخذ على خاطره من ابوه او اخوته ... يعني انا متفهمه شعوره وما ابغى افرق بينه وبين اهله والله الشاهد ..
انا لما اكلمه ابغاه يعرف وجهه نظري من الموقف بس .. علشان لما يهدرون له كلام مو صحيح يكون على علم بالحقيقة .. لكن يبدو لي ان الموضوع افتهم على (كاد المسيئ ان يقول خذوني ) وافتهم له ان انا اختلق المشكله قبل وقوعها واكبر المواضيع ...
وساعمل بنصيحتك واغمرهم كلللللهم بكرم اخلاقي ... واوضح لهم ان انا مو قد ما يقولون من سوء ..
لكن اخي في موضوع ثاني وددت اسألك فيه بحكم انك رجل ... لو سمحت واعذرني على ازعاجك :
طبعابعد هذي المشكله اهله كبروها في راسه وجا حدي متهجم وصرخ وشتم ووووو ، وانا ما عاد فيني عقل قمت زعلته وذكرته باخطاءه القديمه وكيف اثرت فيني وحولت مفهومي عنه وعن اهله ، فهو تفاجأ وحس ان انا حقوده وما انسى السيئة مهما جات الطيبة بعدها ..
فهل انا غلطانه ، وهل شعوره نحوي صحيح ..
اخاف يتغير من طيبته لشرير .. واخاف على نفسي كثرة التنازل لغضبه وثوراته ؟؟؟؟
اريد الان اصالحه لانه هذي اليومين شكله متفاجأ وحذر في تعامله معي وكأنني غريبه عنه ..
يكلمني بالقطاره وبالقدر .. والله ان انا زعلانه عليه اكثر من اي شي واحبه موت موت موت لكن يمكن احنا الاثنين ما قدرنا نفهم بعض وقت الغضب ..
دلني اخوي لو انت مكانه شسوي علشان اطيب خاطره واستسمحه وابدأ معاه صفحه جديدة
ما ودي اخسر حبيبي ووابو ابني ومتعة ناظري ونبض قلبي ونسيم حياتي .. وكلماتي هذي قليله على زوجي تاج راسي ...
ارجوك دلني اليوم قبل لا ارجع البيت علشان اصالحه عند رجوعي ...
اختك (دموع )