[فصبر جميل]

يرتجف قلبي ليامن ذكر طفلـة مطيـر
ابتهال إللـي خطيـر ٍخفوقـي تشعلـه




كيف يرقد مسلم ٍعنده احساس وظميـر
والبنّيـة توهـا أم السنيـن الأربـعـة




فاقدة أحضان أهلها لا حنـان ولا عبيـر
كيف أوصف طفلةٍ دون ذنـب مروّعـة




عشرة أيامٍ مضت بلا بشيـر ولا نذيـر
أظلم الزلفي وعانـق ظـلام المجمعـة




عشرة أيام تقل دهر والموقـف خطيـر
والمنام اللي عشقتـه يفـزّع مضجعـه




أحدٍ يرقد مفرشه بيـن ديبـاج وحريـر
وأحدٍ يوجـس ملّـةٍ بالفـراش مولّعـة




الضنا جنّة وبُعده عـن الوالـد سعيـر
والمصيبه أمّـه اللـي سنيـنٍ ترضعـه




افزعوا تكفون واستبشروا خيـرٍ كثيـر
ما يَعقب الضيق باذن الكريم إلا السعـة




يا إلهي وانت نعم المعـاون والنصيـر
يطلبك عبدك ودمعـه يجـرح مدمعـه




يطلبك مفجوع مظطر ولوحـده سهيـر
ما يشوفه كود عينك ووحـدك تسمعـه




رد يوسف وابصر اللي عقب فقده ضرير
رجـع إلا لأنـك أمـرت ابمرجـعـه




يا كريم ويا رحيمٍ علـى الشـدة قديـر
سالمه ترجع قريـب ابتهـال المجمعـة







قصيدة للشاعر / علي بن سليمان الحميدي الزلفي 16/03/1427هـ