السلام عليكم
هدي نفسك حبيبتي دموع والحقي على باقي حب زوجك لك وانتبهي تقتلين حبه وغلاه لك حافظي عليها زييين
انا اشوف زوجك ماشاء الله تبارك الله انسان رائع وطيب لكن يادموع وبصراحه انتِ الغلطانه وليش تدمرين الحياة الحلوه بينك وبينه علشان تصرفات اهله وش دخله في اهله ؟؟ صعبه كثير انك تحاكمينه على تصرفات غيره والشيء الاكيد ان الامور هذي اكيد ماتعجبه من اهله واحتمال كبير مايقدر يغير ولايبدل في اخلاق وتصرفات اهله فليش تهلكينه بأمور فوق طاقته وتأكدي لما تذكرين له الجانب السيء في اهله راح يحس انك تسيئين له لانهم مهما كان اهله ولحمه ودمه اذا حسستيه بنتقادك لاهله بأنهم ناس سيئه راح ينعكس هالشعور على نفسيته راح يحس انه هو بعد انسان سيء في نظرك
وصدقيني راح تتكون فجوه بينكم على شيء مايسوى في نظري
ومادام قلتي ان زوجك يحبك ويعاملك بكل طيبه ومو مقصر معاك خلاص كفايه عيشي مع زوجك عالم ثاني وانسي الناس
انسي اهله وتصرفاتهم وكلامهم وانسي اهلك خليهم هم يتفاهمون مع بعض كيفهم انتي وزوجك عيشي مملكه ثانيه
وانصحك نصيحة اخت محبه مادام انتي تتضايقين من تصرفات اهل زوجك ادي معاهم الواجب بتخفيف الزياره ولما تطلعين منهم انسي انسي انهم اهل زوجك يعني لو يذبحونك لاتقولين لزوجك اي شي مادام يحبك ويموت فيك ليش تخسرينه بالشكوى انتبهي حبيبتي والله مسكين ماله ذنب تعذبينه بتصرفات غيره والله ماله ذنب :(