بسم الله الرحمن الرحيم
بدخل في الموضوع على طول انا صراحه معلمه مستجده وصارلي سنه ادرس بالمدرسه ذي والسنه هذي الثانيه المهم مشكلتي مع طالبه انا صراحه ماكنت اتوقع ان الطالبات كذا لاني قبل طبقت في فصول كثره المهم الطالبه هذي في خامس ابتدائي ناشبتلي في كل مكان
انا والله الحمد محبوبه من المدرسه كلها لكن الطالبه هذي زودتها وانا صراحه مستخدمه اسلوب اتطنيش معاها لين زودتها وصار لازم استخدم معاها اسلوب معين لكن كيف مدري ؟؟
من بعض تصرفاتها تناديني بأسم الدلع تخيلو هاوشتها اكثر من مره صارت ترسل بناتالصف اول يقولوه لي اسمي مكتوب على جدران المدرسه كلهااا والفصل لدرجه مره لقيتها حاطه ورقه بكيستي وكاتبه فيه كلام اعجاب
بالحصه بس تناظر في اقومها تجاوب تقرأ مافيه البنت مفهيه لدرجه اني رسبتها العام الماضي مع اني احس انها تعرف لان بدايه العام اول ماجيت عندهم كانت تقرأ وتشارك عادي مثل البنات لكن مدري وش صار فيها البنت صراحه مسختهاا
وصارت ترسل علي البنات ويقولو استاذه فلانه تحبك
صراحه وصلت حدي لدرجه المدرسات حسو وحده من المدرسات تقول البنت هذي موصاحيه شكلها معجبه فيك وانا ماقلت لها شي من الي سوته
المشكله انها من الابتدائي وانا اخاف اي شي يأثر عليها صراحه فكرت مدري شلون اتعامل معهااا خصوصا اني مستجده في التعليم وماعندي خبره في التعامل مع الطالبات وخصوصا هذه النوعيه ............افيدوني بأرئكم