[الحميدانية]

،
ما كل دمعه ليا طاحـت .. سببهـا : قهـر
هذي هي دموع عيني ، وهذي هـي عينـي

إسألها ، والدمع صار بمجرى عيني / نهـر
بتجاوبك ، والحـزن ( أسمـى عناوينـي )

غيبتك طالت ، وأنا اللي أحسب إنْها .. شهر
هذي هي شهور مرّت ، وينـك و وينـي ؟

لو كنت أدري بأن الحال : ضيق ، وسهـر ؟
ما كان خلّيت إيـدك ... تتـرك ، إيدينـي !

لكنّ مات الوصل ، والهجر : بان ، وظهـر
يا أوّل سنينـي ، عـزّي ( آخـر سنينـي )

زرعت لك في حنايـا القلـب ، ورد وزهـر
وإنت بيدينك ، علـى الفرقـا .. تودّينـي !

كنت أعتقد بأن صوتـي للخلايـق .. جهـر
لكنّ صوتـي بقـى ، مـا بينـي .. وبينـي

حسبي على اللي هديته دمع عينـي ، مهـر
وحسبي على اللي بجرحي ، ما يراعينـي !

الدمع لا من نزل ؟ ما يعني إنـه : قهـر ،
مثل الرجل .. لا تردّى ! ( طاح من عيني ) !



لـ خالد بن سويط ..