[الهديل]

خلاص ياهديل لاتغيري التصميم وبعدين لمن تتفرغي إن شاء الله سوي تصميم تاني بس لاتكتبي أسماء علشان لحد ياخذ على خاطره خليه هدية عامة لكل الأعضاء من هديل هديل أنا مستنية الصيف علشان تتفرغي للموقع ياهديل يعني حتى في الصيف حتكوني مشغولة بالرسالة يعني مش حنستمتع بوجودك معانا علشان دايما مشغولة وكمان بعده دكتوراه 000الله يعينك بس على فكرة أنا غابطاك لأن كانت أمنية حياتى إني أدخل كلية الطب وأدرس الطب , بس ربنا ماكتبلي أدخلها وصليت الإستخارة وكان نصيبي أدخل الشريعة سبحان الله وبغبط المرضى كمان لأنهم حيكونوا بالمستقبل إن شاء الله بين إيدين حنونة زي إيديك تنسيهم الوجع خليكِ حنينة دايما عليهم ياهديل ( دول غلابة ) و على كده باقي كم سنة ياهديل على ماتخلصي الدراسة إن شاء الله حكون ودعت ومش حفرح فيك ربنا يعينك ويعيني هو البرج أكيد حيطير ومافيش كلام سلميلي على نونا ياهديل وقوليلها هي ناوية ترجع متى والغياب دى كله ليه ألف سلامة عليها وربنا معكم إن شاء الله ومعاي

يا ابتهال يا بنتى ماانا معكم
هاتفرغ اكثر من كده ايه سايبة اللى وراى واللى قدامى وطول النهار على الموقع

وحتىالرسالة لما اشتغل فيها هاكون معكم
ده انا انسى الوحيد فىالموقع

انا مالى اخوات بنات ولو ما اتكلمت معكم هاكلم نفسى واتهبل اكثر ما انا هبلة اصلا :) وهيطير آخر برج بدرى بدرى


وبعدين يا سيتى لاتأتىالريح دوما بما تشتهى السفن

انا كان نفسى ادخل كلية السن واتعلم لغات خصوصا المانى لنى احبه

ولكنها فىالقاهرة وانا لست من القاهرة ووالدى لم يوافقا على السفروانا كمان مش بتاعة سفر وبهدلة وغربة

فدخلت الطب وكان امل والدى وجدى الله يرحمه ايضا وعلى فكرة انا اول بنت على مستوى العائلة الصغيرة وليس الكبيرة المتسعة لن فيها اطباء كثيييير
انا اول بنت تدخل الكلية ديه وحصلنى كتير بعدى من القريبن منى فى السن

كلية صعبة وشاقة وبتسرق العمر كله

الحمد لله على كل حال

لسة بدرى علىالدكتوراة امامى حوالى 9-10 سنين عشان اخلص الماجستير والدكتوراة واترقى فى الشغل

وهم اجباريين لأنى لو ما عملتهم اتحول عمل ادراى وترك التدريس للطلبة الذى هو حياتى واجد فيه نفسى وخصوصا انه بفضل الله ومنته الطلبة بيحبونى وبيدووا على ويسألونى وبيقولوا لاى انت طيبة يا دكتورة .. الحمد لله على فضله ومنته


وانا غالبا لن اتعامل مع المرضى لننى معيدة ادرس فقط للطلبة واخترت هذا المجال بارادتى لأبعد عن جو المستشفى والنوبتنجيات الكثيرة والضغوط التى هى فوق العادة بالمستشفى على واحدة حساسة وبتشتغل بضمير مثلى كان هيجيلى انهيار عصبى هذا بالاضافة للاختلاط والمواقف السخيفة كفاية على سنة الامتياز اللى عدت بطلوع العين والحمد لله


وانا معكم دوما ومش هاررب وماتخافى

اما مسألة تفرحى فى ديه بقة

فده مقدر ومكتوب لو فيه نصيب هيحصل ولو مافيه خلاص الحمد لله علىكل حال وربنا يعوضنى خير فى الآخرة
ادعيلى انت بس بواحد متدين طيب زيى عشان غلبانة قوى ومش هاستحمل حد يبهدلنى معها

وربنا يبارك فى عمرك ويكول فيه ويرزقك الخير دنيا وآخرة يارب

وبالنسبة للبرج هو بيشارو نفسه يطير من دلوقت علامات التخلف العقلى بدأت تبان جلية :)



وعلى فكرة نونا رجعت امس وهى على وشك الرجوع قريبا جدا
وهاوصل لها سلامك ان شاء الله لما اكلمها