السلام عليكم ورحمة الله وبركاته
جبت لكم طريقة عمل اللبن الروب في البيت بدون تكاليف واعباء
طبعا فيه ناس كتير ترغب تاكل لبن في البيت وخاصة للاطفال
عشان هيك بتقدري تسويه بالبيت وبسهولة جدا
المقادير:
لكل 5 كاسات مي نحط كاسة ونص حليب ناشف متل نيدو
كاسة لبن روبة
رشة ملح (حسب الرغبة)
الطريقة:
اول شي نغلي المي لدرجة الغليان بعدين نتركه نص ساعه تقريبا حتى يبرد
او يصير فاتر (حتى يقدر اصبعك يتحمل حرارة المي)
بس يصير المي فاتر نضع الحليب الناشف مع التحريك المستمر واحنا نحرك نضع كمان اللبن الروبة مع التقليب واضافة الها الملح
نظل نقلب حتى يتجانس الخليط بعدين بنغطي الطنجرة بالغطاء تبعها وبنلف الطنجرة بحراام ونحط الطنجرة بمكان يكون درجة الحرارة منخضة
يعني لازم حرارة عشان البكتيريا النافعه تحول الحليب الى لبن رائب
و لالالالالازم تظل الطنجرة مغطاية بالحرام فوق ال 12 ساعه يعني سويها في الليل واكشفي الوجه عند الظهر تاني يوم
وبعدين بنحط الطنجرة في البرااد
وصحة وهناا