الله من همي بروحي سهجها = بخافي ضميري في كنين الحشا لاج
احر من نارن توقد وهجهــــا = منها خطر روحي على سلك ديبـــاج
وعين عسى المولى يعجل فرجها= يفوح ناظرها كما عين هداج
استر سلت للدمع من مارهجها =غيظ يكظ عبارها مثل الامواج
كم واحدن له غاية ما هرجها = يكنها لو هو الادنين محتاج
يقضب عليك المخطيه من حججها = حلو نباه وقلبه اسود من الصاج
الله خلق دنيا وساعن فججها = وعن ما يرب القلب لك كم منهاج
والرجل وان شطت لياليك سجها = عسى تواليها تبشر بالافراج
قصيدة رائعه لشاعر المرحوم بأذن الله / الامير محمد بن احمد السديري
وعساها تعجبكم...............