ياقبر اعز انسان غالي رقـد فيـك
خفف عليه مـن التـراب الثقيلـي
ياقبر ماني طيـب عقـب راعيـك
اللي رعاني صار عنـدك نزيلـي
اغليك انا ياقبر من حـب غاليـك
مرحوم ياراعي الوفـا والجميلـي
ياللي سكنت القبر صوتي يناديـك
موتك جرح قلبي وهديـت حيلـي
ماانساك والله لين قبـري يوازيـك
واعلن من الدنيا العريضه رحيلـي
واشق جيبي كل ما حـل طاريـك
كنت افتكر عمرك معانـا طويلـي
يبكي عليك البيت من عرض اهاليك
ليـا دخلتـه قـام دمعـي يسيلـي
اللهم ارحم زوجي واسكنه فسيح جناتك واغفر له وارحمه