المشاركة الأصلية كتبت بواسطة الصادر والوارد
الأخ العزيز:
***الإنسان في حياته اليومية يمر بمواقف مختلفة
منها المحرج والمضحك والمبكي
هلا ذكرت لنا موقفا حصل لك ولم تنساه
تحياتي لأخي الفنان التشكيلي///وشكري الجزيل للأخت هنادي لهذا الطرح
|
حياك الله
المواقف كثيره
وخص المضحكه
لكن بذكر لكم موقف محرج محرج محرج حصل لي
مره كنت في شاطئ ارامكو في الشرقيه وكان معي امي وخالتي فقط انا بدلت ملابسي ولبس ملابس السباحه ونزلت اسبح وابعدت وانا اسبح همت نمت على ظهري بالمويه واخذتني الامواج شوي يمين شوي يسار وقلت برجع للشاطئ المهم
قلت برجع للشاطئ واطلع من البحر واشوف هالحرمتين الجالسات يتقهون وجلست معهم واخذت الفوطه الموجوده
ونشفت جسمي
هم سكتوا وانا قاعد ادور في الاكياس ابي مويه خبركم اللي يطلع من البحر يطلع عطشان
واشوف في الاكياس طماط
وخيار قلت مشاء الله ناوين تطبخون
شكلكم راعين طويله
ولا يردون علي
المهم التفت يمين اقول يالله يا زين البحر بدون زحمه لأني ما احب الزحمه مره مره
إلا اشوف حرمتين ياشرون لي ويصيحون انا ما ادري وش يقولون
التفت على الحرمتين وقلت يمه تعرفون هاللي يصوتون
قالت يمكن انهم اهلك!!!!!
انا ضعت وسط الفوطه
ولا ماخذ فوطتهم من زين وجهي
وقمت اركض اركض
واهلي ميتين ضحك على
ورجعت لهم فوطه جديده
وتعذرت من الحرمتين
وهم بعد يضحكون
كان هذا اسوا موقف مر علي بحياتي
وشكرا لكم