ماكذبت أمي عليّ .. يوم قالت ..
ياحبيبي
لاتنام إلا متوضي ..
وصل .. لله ركعتين ..
واقرالك لو آيتين ..
وارفع يديك وتضرع .. بد عاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..
ماكذبت أمي عليّ .. يوم قالت
ياحبيبي
لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..
ياجنيني ..
إحرص .. تصلى جماعه ..
وكل ساعه ..
راقب الله في حياتك ..
ماكذبت أمي عليّ .. يوم قالت ..
ياحبيبي
لاتصير إنسان جارح ..
إضحك بوجه الجميع ..
عامل الناس بتسامح ..
لاتفرط في حقوقك
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق ولاتصارح ..
وإنتبه من هالنصيحه ..
لاتصير إنسان غامض ..
ولاتصير إنسان واضح ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو يغرك زود مالك ..
ولاتهين إنسان .. تندم ..
ماكذبت أمي عليّ .. يوم قالت ..
ياحبيبي
خلك إنسان بكرامه ..
لاتغرك هالأمور ..
المناصب ..
والقصور ..
فكّر بيوم القيامه ..
فكّر إنك ماأنت خالد ..
رحلة الدنيا قصيره ..
تلقى نفسك في سلامه ..
احبك .......يمه
منقوووووول