السلام عليكم ورحمة الله وبركاته
الى الشيخ فهد حفظه الله وجزاه عنا خير الجزاء
بصراحة
انا ضيفة جديدة عندكم في هذا المنتدى وعندي مشكلة وياليت تساعدني .
في الفترة الاخيرة بدات اشوف بعض الاشياء في النوم . مثلا احد يجي يقولي قومي شوفي وش في .
وانا طبعا اقوم اشوف ولا الاقي شي وارجع للنوم واحيانااشوف الوالد يجي يطفي النور وتاني يوم الصبح يسالني ليش فتحتيها ثم قفلتيها الساعة اربع الفجر؟وانا متاكدة اني شفته هو ..
وساعات احد يضربني كف من القفا ، وساعات بهدوء واحس في يدين ناعمة تمر على يديني ..
واخذت فترة اشوف علامات يوم القيامة بكل تفاصيلها واقوم من النوم وانا ابكي واحيانا اشوف اطفال اني مثلا انجبت او في يدي اطفال مثل البنت اللي ولدتها وسميتها نور في الحلم
واخذت فترة اشوف رجال شباب في الحلم من اروع ما يكون ( السن مابين 30 - 35 سنة اعمارهم تقريبا )
وعمري ما شفت مثل جمال كل واحد مثل ما يقولون كانه ملاك نزل من السما اللي يكلمني واللي ترك الناس كلهم وجاني انا واللي واقف بالمرصاد و يدافع عني ويقول للي وده يؤذيني (ان كنت شاطر قرب ) وهو واقف وانا وراه ومتمسك فيني بكل قوته ولا احد قادر يقرب .
وللمعلومية كل هذي الاحلام اللي اشوفها كان فيها شي واحد مشترك انه في كل حلم الاقي نفسي اردد ( يارب
رحمتك ، يارب لك الحمد كما ينبغي لجلال وجهك وعظيم سلطانك ) وفي كل حلم اشوف نفسي وانا اردده .
وبعض الاحيان احس ان في احد نايم جنبي .
وهذا باختصار شديد .
ارجوك يا شيخ ساعدني ...
لاني بصراحة ماصرت اقدر انام بالليل
انا عمري 25سنة \ غير متزوجة \ طالبة