][`~*¤!||!¤*~`][الجزء الثانى][`~*¤!||!¤*~`][
00احمد : شوف
اللي صار معي .في البداية حسيت ان السيارة ..ثقلت وصار فيها ركاب غيرنا ..!
لدرجة اني وأنا في الخلف صرت محشور بالمرة لدرجة اني ضام رجولي على بعض وثاني ظهري
وصرت اشوف نور فوق راس مصطفي يدور واسمع صوت همس خفيف ..!
وحاولت اسمع بس ماقدرت .. صوتكم كان عالي وصوت المسجل بعد عالي .
وصرت اناديكم بصوت عالي واقول ( فاقد) انت ( ومصطفى )
خلاص وقفوا ولا تكملون القصص ..
خلاص بالله طفوا المسجل او قصروا على صوت المسجل على الاقل ..
ابي لحظة هدوء
بس انتم ماعبرتوني وخفت اقولكم اسمع صوت خفيف وتضحكون علي
عشان كذا سكت وحاولت اسمع ..
هنا كان احمد يسمع اصوات خافتة تتهامس عليه!
وفعلا قدرت اسمع جملتين ...
بس اعتقد كان اللي جالس جنبي يهمس للي كان جالس ورى ظهري
الاول يقول للثاني :
هذولا اللي يتكلمون عنا انا راح اوريك فيهم الحين
واخليهم يعرفون كيف يتكلمون عنا غير اقطع السنتهم واموتهم من الخوف
قال الثاني للاول:
لا مو الحين خليهم يدخلون داخل في وسط البيضاء ونبداء شغلنا معهم..!
وهنا انا صرت اصارخ عليكم واقولكم ارجعوا واقرو قران
انا : سألت احمد : طيب يا احمد وايش قصة الولاعه ؟؟؟
احمد : شوف انا لما طلبت منك الولاعه حبيت اولعها عشان اسوي عندي شوي نور
وفوق كذا سمعت ان الجن يخاف من النور واحاول ابعدهم عني
انا : لكن كيف اختفت الولاعه ؟؟
احمد : أنا كنت ماسكها في يدي اليسرى وكان واحد منهم يحاول يسحبها من يدي عشان تطفي
وطبعا يدي اليسرى ضعيفة وخفت انقلها ليدي اليمنى وفي هذي اللحظة
يخطفها مني .. لانك تعرف يتميزون بسرعه الحركه ..
عشان كذا طلبت ولاعه ثانية وولعتها ومسكتها بيدي اليمنى وبعد كذا ما ادري ايش صار في ولاعتك ..
بس الحمد لله.. الله فكنا من شرهم وتوبه ما عاد اروح هناك بعد كذا وخاصة في الليل
ودعت احمد و رجعت البيت وصرت افكر في كلام احمد وصار عندي هذاك الشعور اللي يطلبني للمغامرة ..
فبعد قصة احمد ...بديت احس باحاسيس غريبه ..وصرت احب المغامرره بحيث اني اروح هناك واشوف الجن واحاول اتكلم معهم
وفعلا رتبت للمغامرة بحيث اني حفظت كذا آية لابعاد الجن بحيث اذا
حاولوا يسببون لي اية اذيه اقراها عليهم .. وكلمت احمد ومصطفى اني عزمت اروح هناك واذا يبون يروحون معي قالولي انت مجنون وماراح نخليك اصلا تروح
قلت لهم عفوا انا حر في نفسي وانا على العموم حبيت اقولكم واشاوركم
حبيتو تجون معاي حياكم ما حبيتو بكيفكم بس انا خلاص اتخذت القرار رايح..لو تسون ما تسون وشوفوا ابي اوصيكم بشيء اذا جاء بكرة الصباح وانا ما اتصلت عليكم اعرفوا انه صار لي شيء وتعالوا لي وحاولوا ساعدوني واذا حبيتو بلغوا الشرطة بعد بس مو الحين .. بكرة الصبح
وتركتهم ومشيت الي طريق الجن الي منطقة ( ام الدود )
وكانت السيارة مليانة اشرطة قرآن وطول الطريق وانا اقراء ايات قرآن
وصلت المنطقة المذكورة في المغرب حوالي الساعة السابعة والربع
توغلت في سيارتي داخل المنطقة الصحراوية الي ان وصلت منطقة بعيدا عن الناس ..وطفيت سيارتي واشعلت الناروجلست كلي رعب وخوف وبتديت افكر في جنوني وايش اللي خلاني اسوي كذا هل هوا روح المغامرة الذي ورثته من ابوي .ام جنون المراهقه ..ام هو فضول يدفعني لمعرفة كل شيء وهنا بداء الظلام يخيم علي وصارت المنطقة كتله من السواد الشديد ولاأرى نور وكانه مازارها نور ابدا .. وماتقدر تشوف يدك من شدة الظلام . المهم .شفت شي يقترب مني وصرت انظر فيه ماشوف شي ولا قدرت اعرفة شو هو!!
لما اقتر مني مره اذا هو رجل راكب جمل وكان شكلة غريب مره وكان لابس لباس الناس القدامى. كانه واحد من هاللي نشوفهم في المسلسلات القديمة فاقترب مني وقفت له ارحب فيه وطلبته يتفضل يشرب شاي ..
ووقوفي صراحة من الخوف ..
اقترب اكثر واكثر الى ان اصبح بجنبي فاجاب الدعوه بالرغم انة لم ينطق بكله او يحرك شفتة
واصبح ساكت لمده دقيقه.!
وبعدها تحدث
ولكن الصوت ماخرج منه !
والغريب كانه هو اللي يتحدث !
التفت بدهشة الى مصدر الصوت
من تتوقعون صاحب الصوت !
طلع صاحب الصوت هو ( الجمل )
في هذي اللحظة عرفت انهم من الجن
ونويت اسمي باسم الله واقراء القران لأجل اطردهم ولكن لو فعلا طردتهم فكاني ماسويت مغامره ولا شي فسكت وقلت بشوف شبيصير وبتكلم معهم وكني مو خايف وبعرف كيفية تفكيرهم. استغرب الرجل والجمل من ردت فعلي
كان الجمل يقول : اهلا ومرحبا بك مالذي تفعلة هنا لوحدك في هذا الوقت
انا : ابد بس جاي اتمشى واتسلى طفشت من المدينة وانوارها وحبيت ابعد عنها واجلس بعيد عن الناس ورجتهم
الجمل : اذن فانت لاتريد احدا من الناس فكيف دعوتنا للجلوس معك
انا : هذا اذا كنتم انتم بشر مثلي !
( هنا التفت الي الرجل العجوز بنضرة غريبة وكانة اراد في هذة اللحضة ان يقفز من مكانة ويفر هاربا )
انا وجهت سؤالي للعجوز : خير اش فيك انفجعت ادري انكم جن
ولاعمرك ما شفت جمل حقيقي يتكلم
العجوز : ولماذا لست خائفا منا
انا : وليش اخاف يعني ايش راح تسون لي بتقتلوني ولا بتاكلوني
اصلا لو حاولتوا تسون كذا فيه شيء اسمة قران فية ايات قرانية تحميني منكم
وبعدين انا ما ازعجتكم او سويت لكم اي اذية
بالعكس انا دعيتكم للجلوس معي
الجمل : ولكن معضم البشر وتجدهم يحفضون القران كله يخافون منا
انا : موكلهم !! بس اللي تقول عنهم هذولا اللي ايمانهم بالله ضعيف او متولدة عندهم فكرة الخوف منكم من صغرهم
بس انا عندي سؤال تسمحولي اسئلكم انتم مسلمين ولا لا
العجوز : نعم انا مسلم و ابنتي ايضا
انا وباستغراب شديد : ابنك ؟
الجمل : نعم ابنته انا ابنة هذا العجوز وهو ابي
انا : كيف انت جمل وهذا شكله عجوز رجال عادي
الجمل : الا تعرف اننا نستطيع التشكل باي شكل
انا : الا اعرف بس انا الي شفته اول شفت هذا الشايب راكب على البعير ..
الجمل : وماالغريب ! ان حملت ابي وخاصة وهو كبير في السن كما ترى
انا : غريب عندنا نادرا او يمكن خلاص انعدم هذا الشيء في البشر
يعني ما تلقى الولد يشيل ابوه الا صار العكس صار الاب هو اللي يشيل ولده
العجوز : يا بني انتم البشر قد انعدمت عندكم هذة الاشياء
بالرغم ان الله قد اوصى بالوالدين في القرآن الكريم
وفي هذة اللحضه اصبحنا نرى غبار كثيف متجه باتجاهنا
بل كاد الغبار ان يصل الي السماء من ارتفاعة
وهنا امسك بيدي الرجل العجوز وهوا يصرخ : هيا بنا لنرحل عن هذا المكان والا اصابك السوء منهم
انا ابي ان اعرف شوهذا الغبار وشو الشي اللي خلا الرجل العجوز يقول هذا الكلام
وهوا منزعج لكني ما قدرت وذلك لاني في هذي اللحظة غاب عني الوعي
( اغمي علي ) !
ماقدرت ان اطرح سؤالي..فصحيت من غيبوبتي في مكان ما اعرف شو هذا المكان!غيراني عرفت بعدين اني بمكان يسمونه ( وادي الجن )
وعررفت بعدين ان هذا الغبار هو قوم من كفررة الجن .وبعد اللي عرفته ابي ارجع لديرتي وطلبت من الرجل العجوز
انه يرجعني لمكاني فقالي
لن اعيدك الان ! لان هذا الوادي لايخرج منه احد من البشر الابحكم من الملك
فقلت له اذا مارجعتني انت انا برجع بنفسي ...
فقالي ان المدينة تبعد عن هذا الوادي ما يقارب بعد امريكا عن الصين !
( طبعا صدقتة لان الجن يستطيعون السفر من مكان الى مكان بغمضة عين
طلبت منة بانه ياخذني الى الملك من شان اقنعه يرجعني
وفعلا هذا ما اللي حصل وقدرت اقناعه بعد محاولات كثيره
واصلا ماقدرت الا بعد ان تذكرت ايات الله فقريتها عنده بعد ما فاض بي الكيل من عدم موافقته لرجعتي
فركبوني على الجمل والى هي ابنة ذاك العجوزولما ابتدينا بالمشي الا وقد اغمي علي ثانيه فصحيت من غيبوبتي وانا بجنب سيارتي مرمي ولا احد قريب مني وكان نور الفجر قد بدى بالظهور.