[افديك يارسول الله]

حلويات رمضانية
طبعاً لكل شخص طريقته باللقيمات والجبنية والتاوة والكنافة
وأشياء كثير من الحلويات اللي متعودين ناكلها برمضان

حبيت اعطيكم بعض الطرق اللي أستخدمها وبإذن الله تجربونها وتعجبكم

اللقيمات ..



المقادير ..
3 أكواب دقيق
بيالة شاهي زيت ..
بيالة شاهي لبن ..
بيالة شاهي حليب بودرة
بيالة شاهي نشاء..
كاسين ماء ..
ملعقة كبيره خميرة..
ملعقة صغيرة بكنج باودر..
تخمر من ساعة الا ربع الى ساعة تقريباً ..
قبل القلي مباشرة تحطين عليها بيضه و تحركينها وتبدين
تشكلينها وتقلين



بعد القلي احط عليها شيرة تكون ثقيلة شوي تميل لقوام العسل تقريباً
وأقدمها ..




الجبنية ..

تعددت أنواع الجبنية من بيت لبيت وكل طريقة غير الثانية
ناس بالتشيدر وناس بالجين الأبيض وناس بالجبن الكاسات
وكل طريقة لها جمالها أو محبينها

جبنيتي أنا بالجبن الأبيض علشان كيذا تقدرون تقولون مالحة
تشبه بطعمها اصابع الجبن .. وممكن تسونها بالجبن الأبيض قليل الملح
وطعمها يطلع روعة ومتوازن جداً

المقادير ..
علبة صغيرة جبن قليل الملح
"بالصور انا مسوية دبل المقدار العادي "
بيضتين ..
2 ملعقة كبييرة سكر
2 ملعقة كبيرة حليب باودر
2 ملعقة كبيرة خميرة
2 ملعقة كبيرة Bb
ربع كاس ماء
ربع كاس زيت والأفضل تستبدل بأصبع زبده مذوب
من 3 الى 3 ونص كاس دقيق ..
الطريقة ..
تخلطين الجبن وباقي المقادير بالخلاط الكاس
وتحطينها ع الدقيق وتعجبنين تمام
تتخمر من نص ساعة الى ساعة الا ربع حسب درجة حرارة المكان

تفردينها وتقطعينها زي ما تحبين سوا رول التقطيع
أو بأشكال التقطيع العادية



بعد القلي نسقيها بالشيرة او نحط عليها عسل زي ما تحبون
وتقدمونها ..




مربعات التمر والجبن ..

حلا سهل جداً والحلو فيه يتفرزن وتقدرين تطلعينه اي وقت
يفك أزمة وطعمه جداً لذيذ

مايحتاج شرح الصور واضحة وهو سهل جداً



نقطع السويتزر 3 بالطول بعدين نقطعهم بالعرض ونسويهم شكل +
نحط قطعة تمر بالوسط وفوقها قطعة جبنة ..
نقفلها على بعض زي المطبق .. "أنا أقفلها بعجين "
نقليها ونرش عليها شيرة وبعدين مكسرات محمصة سواء جوز هند
أو لوز مبشور محمص
<< للأمانة طلعت باللوز أطعم وطبعاً كل شخص وذوقه
وطريقة ثانية لو نحب نغطيها كلها بجوز الهند انو نغطها بالحليب