[افديك يارسول الله]

نبدأ الحين بالعجين والحوسة << من مايحب العجين
من وإحنا صغار وحنا نحب نعجن ونخربط مع اهلنا تلقون العجين واصل الكشة
من الحماس



البيتزاء حبيبة الكل ..

هالطريقة جربتها من توب شيف الله يعطيه العافية وفعلا
روعة روعة قد ماقدر أقولكم روعة .. والكل أعجبته وسأل عنها
<< قولوا مداح نفسه يبي له رفسه

المقادير..
كوب وربع مويه دافية ..
ملعقة صغيرة سكر
ملعقتين ونص خميرة
ملعقتين كبار زيت زيتون بكر
ملعقتين صغار ملح .
٣ أكواب و ربع طحين أبيض
نص كوب سميد << جداً يفرق بالعجينة بنات

الطريقة ..
تذوبون الخميرة بالماء .. لحد ما تشوفون رغوة الخميرة ..
تحطونها بالعجانة وتبدون تسونها زي أي عجينة عادي ..
وراح تكون قاسية شوي بالبداية بعدين تحسين ان وعادي
ولانت وإندمجت تمام ..

تدهنينها بشوية زيت زيتون وتخمرينها
بعد ما تتخمر تشكلينها زي ما تحبين ..

والبيتزا لها حشوات كثير ومتعددة جداً
وكل حشوة لها طعم مميز ونكهة خاصة ..



هنا بصلصة البيتزا والطاطم المجفف والريحان وجبن الموتزريلا



هنا بالصلصة والمشروم والزيتون وبصل أحمر وفلفل بارد

طبعاً قلت لكم اتركوا خيالكم يشطح وبيطلع لكم أنواع روعة من البيتزا
يعني مو لازم الصلصة الحمرا ممكن صلصة بيستو أو صلصة جبن
وفوقها لحوم أو دجاج كثير أشياء لذيذة بس الأهم نعتمد على ذائقتنا

الكالزوني ..

هي عبارة عن بيتزا برضو بس مقفلة نفس العجينة والحشوات لها برضو منوعه ..
مجرد إنو طريقة لفها تختلف وممكن طريقة تقطيعها ..

حشوتي هنا ..
صلصة طماط / ذرة / موزاريلا / فلفل أحمر بارد بس مشوي / ريحان وبقدونس / بصل أحمر/زيتون

طريقتها تفردين العجينة عادي بعدين تحطين الحشوة بنص العجينة وتقفلين النص الثاني
عليها .. لو تحبين ممكن تسوين فتحات بسيطة للعجينة من فوق بشكل خفيف ..



تقدرون تقسمونها من النص ولو تركتوها تبرد شوي ممكن تقطعونها أصابع ..



ساندوتش بنيني " رومانو " إيطالي

المقادير ..
أي عجينة فطاير أنتِ تضبطينها ..
عجينتي ..
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
فردت العجين وقطعته مربعات تقريباً كبر حبة التوست
وحطيتها بالفرن . .



طلعتها من الفرن قسمتها بالنص طبعاً
سويت صدور دجاج منقعتهم من قبل بخردل وشوية خل بلسمي
وشوية صويا وبهارات وبابريكا وملح ..
الصدور دقيتها ع أساس ماتكون عريضة أبداً
الساندوتش دهنته بالمايونيز
بعدين حطية عليه الطماطم والريحان
وجربتو بالنعناع برضو طلع جميل جداً
بعدين حطيت صدر الدجاج ورشيت عليه جبن برميزان
وشريحة جبن سلايد ..
وخس
حطيته بالحماص وقطعته بالنص وقدمته ..