[افديك يارسول الله]

الكيش .. أصل الطبق فرنسي ..
عجينة مثل عجينة التارت تعتمد على الدقيق والزبدة كمكون أساسي ..
ألمقادير ..
1وربع كاس دقيق
بيضة مخفوقة ..
رشة ملح
ماء تقريباً ملعقتين كبار فقط " يكون بااارد جداً "
إصبع زبدة
بدرجة حرارة الغرفة أو أبرد شوي ..
شخصياً اخذ أصبع الزبدة وأبشره فوق الدقيق
أسرع وقدر بسرعة أخليهم يندمجون مع بعض..
الطريقة ..
نفرك الدقيق والزبده بأطراف الأصابع إذا شفناهم إختلطوا تمام
وصار الخليط كأنو مرمل " مثل الرمل " ناعم وكل حبة لحالها
نزيد عليه البيضة المخفوقة ونعجن " التارت دايماً يكون العجن فيه
مجرد جمع للعجينة على بعض " لأنو كثرة العجن يخربها ويقسيها "
إذا تشوفين درجة حرارة المطبخ مو عالية تقدرين على طول تفردينها
بالصينية أنا هالمرة إستخدمتها بصياني ميني صغار كتقديم شخصي
ولا هي بشكل عام تتسوى بالقالب تبع التارت الكبير ..
لو الجو بالمطبخ مرة حار يبي لكم تبردون العجينة بالثلاجة ربع ساعه
قبل لا تفردونها بالصياني ..



الحشوة عبارة عن ..
بيضتين ..
جبن كاسات 4 ملاعق كبيرة
فنجان قشطة خفق ..
جزرة مبشورة
فلفل بارد مقطع صغار جداً
زيتون اللي تحبون أنا هنا حطيت أخضر
مشروم طازج ..مشوحته على النار شي بسيط ..
تبلت الخلطة بـ شوية أوريجانو وبابريكا وملح طبعاً

بنات الحشوات للكيش غير معدودة..
ممكن مثل هذي خضار وجبن وهي أخف نوع
ممكن بالدجاج والقشطة
بأي شي تحبون مافية أي مشكلة

نفرد العجينة على القوالب ونحاول نخرمها بالشوكة
بشكل بسيط .. بعدين نحط عليها الحشوة ..



راح تاخذ الفرن نص ساعة تقريباً بالفرن من تحت بالبداية لما نشوف الأطراف تحمرت
نحمرها من فوق ونقدمها ..



حلقات الخبز المفرود ..
شي ولا أسهل منه ولا أسرع وممكن تسوين منه كمية ويتفرزن
خبز مفرود نفكة من النص يعني نفك الطبقتين عن بعض..
ندهنه بـ بطاطس مسلوق مهروس مع الملح والفلفل وملعقتين جبن كاسات
" يعني يابنات مخلوط الجبن مع البطاطس والملح والفلفل "
بعدين نحط فوقة حشوة دجاج مسوينها زي مانحب بالخضار أو بدون
بالصويا أو بأي شكل تحبون ترشونها على البطاطس
وتضغطون شوي ع أساس تمسك بالبطاطس ..
وبعدين نبدأ نلف الخبز على شكل إسطواني " رول "
نحطها بقصدير ونقفله تمام من الأطراف ونحطها بالفريزر تتجمد ..



بعد كيذا لك خيارين يا أما تتركينها زي ماهي ومتى ما بغيتيها تقطعينها حلقات
وتغمسينها بالبيض والقسماط
أو بنفس اليوم تسوينها وبعد ما تبرد بالفريزر تقطعينها حلقات وتغمسينها وترجعين تفرزنينها
وبرمضان تطلعينها وتقلينها مباشرة ..



بعد ما قطعناها ..

قليتها وقدمتها .. " بنات ممكن تقدمونها مع اي صوص تحبون
لذيذة جداً برضو ..