[المستبصر بالله]

المشاركة الأصلية كتبت بواسطة ربيع الحلم محمية طبيعية >>> لفترة تمنيت اعيش فيها ... ان طول 4 سنوات وانا اتنقل من مكان لمكان في عملى لللاسف كل ماانتقل لمكان الاقي فيه عيوب اكثر من اللى قبله لدرجة انى قلت المشكلة في الناس ولا الاماكن المشكلة فيا وسمعتها من بعض المعلمات اللى معانا ... مشكلتنا انه مجتمعنا مجتمع نسائي يكثر فيه القال والقيل وكثرة الكلام وهذا المجتمع مستحيل يقبل النقاش .... رائه دايما صح وانتى اللى ماتفهمى ...... فيه نساء لهم اسلوب رائع في التعامل لكنهم قله .... اهتمامتهم ماتتعدى الطبخة الفلانه كيف تتسوى فلان ليش طلق زوجته فلانه ليش عنست وغيره من الكلام اللى ييتعدى الخصوصيات .... ابسط مثال يخلينى اكرهه هذا المجتمع احنا لما تجينى معلمة جديدة اول سؤال يسالوه كلهم : كبيرة والا صغيرة ؟؟.. اذا كانت صغيره فرحوا متزوجة والا لا ؟؟. اذا كانت متزوجة معناته هذى كاملة كم ولد وبنت عندها ؟؟.. حلوة والا لا ؟؟... شيك والا لا ؟؟.. لبسها ماركات والا اى كلام ؟؟... حاطه مكياج والا (غسلها وجهها بصابونه بس ) هذى الجملة ماعرفتها الا منهم ؟؟.. هذى المعلومات اللى على اساسها يقوموا الانسانه اللى قدامهمم .. لدرجة انه فيه معلمة كانت غايبة وقت ماجونا منقولات فدقت على وصراحة انصدمت من سؤالها قلت لى اللى جوا جدد حلوين والا لا كبار والا صغار ؟؟... يومها رديت عليها وقلت لها // ياما حلوين داخلهم مو حلو .. طبعا هى اتضايقت انها ماحصلت على المعلومه اللى تبغاها وانقهرت من طريق ردى ... خلاصة القول انافي مجتمع فضيع مو جدير بالثقة ولا حتى الفضفضة .... طبعا هذا مجتمعنا النسائي ... وصدق الرسول الكريم لما قال ويكفرنا العشير .... يعنى اللى يعطى الحريم شئ لاينتظر منهم شكر او عرفان انما يعطى لوجه الله لانهم كذا وكذا راح ينكروا المعروف ... مواقف كثيرة مرت على منهم فضلت العزله فيها عن الجلوس معاهم لكن اكتشفت انه العزله لها اضرار كثيرة ورجعت اجلس معاهم لكن بجسمى بس بس عقلى مستحيل اخليه معاهم لانه راح اتناقش معاهم واصطدم فيهم ويكون فيهم مجال لنقل الكلام وامكن اسمع شئ يضايقنى منهم ... فاكتفى انى اجاملهم وسايرهم واقول في نفسي هذا مكان عمل التفت لعمل وبس ... من المواقف اللى تزعل وتضايق واكيد كل وحده في المجتمع النسائي مررت فيها .. انه وحده بعد ماتقعد تاملك نص ساعة وتتفحص وجهك وجسمك وتشوف عندك اصبع ناقص والا زايد والا فيك عاهة ولا يعيب زى مايعاينوا الذبيحة قبل مايذبحوه المهم تجى تقلك بكل تفاهة : ليش مااتزوجتى لين دحين ؟؟.. طبعا السؤال بعد ماتمت المعاينة وطلعت نتيجة الفحص انك خالية من العيوب الجسدية ... اتذكر العام وحده خطبتنى لاخو مدير زوجها طبعا في المدرسة كلمتنى لانها معلمة معانا كنا واقفين عند الباب ولما خلصنا كلام دخلت الغرفة قامت وحدة من المعلمات تقول لى فلانه ايش كانت تبغى منك قلت لها كانت تكلمنى في موضوع ... فقالت : ايش هو الموضوع .. انا سكت فقالت خطبتك اقلك وافقي ترى العمر يجرى قلتلها : اوافق كذا بدون مااعرف شئ عنه بس عشان العمر يجرى كلنا اعمار تجرى انا وانت يعنى المتزوجة وغير المتزوجة ... مرت فترة على الموضوع ذا وكنت حريصة انى مااتكلم عن مواضيع خطبه وزواج قدام احد لاننا في مجتمع يعشق القيل والقال امكن مر شهر تقريبا الا تتصل فيا هذيك المعلمة طول هذا الشهر بصراحة انا كنت العب باعصابها ساعة البس خاتم عشان اوحي لها انى كل شئ تم ساعة اقولها عندى مناسبه في اليوم الفلان وهى تقول لمين قوللى انا زميلتك واحنا اقولها بكرة الاربعاء بستاذن لانه عندى ظرف في الاخير هى فاض صبرها ولازم تعرف اللى صار فدقت على وسالتنى ايش اخبار اللى حطبك فقلت لها ماصار نصيب قال لها قلت لها فقالت يومها ضايقتنى فعلا اكيد من ابوك هو الى رفض ( انا مااحب احد يتكلم على ابويه ) ... امكن هذى مواقف تافهه وفيه اشياء تتعلق بالعمل اكبر واكبرمنها بس راح يطول الرد ... انا وصلت لقناعة انه شخص مايعجبك طريقة تفكيره واسلوبه وسلوكياته لاتحاول تاخذ وتعطى معه لانه راح يحور كلامك وفق منظوره وفكره واستيعابه للامور ... لكن الانسان يصاب بالكابة لما يتحول كل مافيه روحانيات ومبادئ ساميه لمجرد شكل وعمر وحالة اجتماعية ... ترى في مجتمعنا النسائي اللى ماتزوجت هذى فيها نقص وعيب لو ماكان في شكلها يكون في صحتها او ماكان في صحتها يكون في خلقها .... لما الانسان يعيش في محتمع يقييم على الماديات فقط راح يفقد المصداقيه في كل شئ فكيف وحده تتكلم عن الدين وعن الواجبات والحقوق في الحقيقة ممكن تتنازل عن اشياء كثير ة في مقابل انه ماتنقص شئ في الاداء الوظيفي ... والاسوء من كذا يشوفوك خطا والكل يوقف في وجههك لكنك عارضته في الراي وامكن يقولوا هذى انسانه مو طبيعية .. هذا جزء من المشكلة امكن فيها الكثير من التفاهه لكن لما يتمنى الانسان بعيش في محتمع متناغم فيه كثير من الود والاحترام والصدق في التعامل راح يصدم نفسيا ؟؟؟ غير السؤال اللى راح يتولد فيه نفسه : ليه فيه اشخاص هدفهم في الحياة انهم يجرحوك من غير ماتكون اتسببت لهم باذى ؟... الشئ الغريب واللى اكتشفته انه فيه ناس لجرحوا انسان تجيهم نشوة وفرح موطبيعى ..

ربيع الحلم ما شاء الله عليكي انتي تفهمي بلد وانا عارف انك تكتبي هنا من اجل الفضفضه ولستي بحاجه الى توجيه ....واللي يقولك غير هذا فاما هو انسان جاهل او انسان حاسد ...عزيزتي المجتمع حوالينك هو اللي بحاجه الى نظره للحياة مثل نظرتك وليس العكس المشكله انتي واثقه من نفسك ومن نظرتك للحياة وهذا شئ طبيعي لئنها نظره صح قائمه على مثل ومبادئ سويه ....يبقى السؤال لماذا الحزن ...الحزن سببه هو الشعور بالغربه في وسط اجتماعي لا يقدر المثل ولا يهتم بالجوهر ويركز على المظهر ....يعني شعور بالغربه الاجتماعيه ....هالشئ طبيعي عزيزتي فكل انسان مميز يشعر بالغربه...شايفه الهرم كل ما صعتي الى مرتبه عاليه في الهرم ايش يحصل للمساحه اللي فوق ....تقل ؟ صح؟ الى ان تصلي الى قمة الهرم تصبح القمه وحيده بينما القاعده لها مساحات شاسعه يتطاحن فيها المجتمع ولا يشعرون فيها بالغربه. قال النبي صلى الله عليه وسلم " بدا الاسلام غريبا وسيعود غريبا كما بدا فطوبى للغرباء هم اناس قليل في اناس كثير يصلحون اذا فسد الناس " او كما قال.
يعني الانسان اذا كانت افكاره صح طبيعي يشعر بالغربه هذي ضريبة التميز وهذا ثمنه فلكل شئ ثمن ويجب ان تكوني سعيده بدفع هذا الثمن لئن المقابل هو التميز الذي يغنينا عن كثير من الناس قالسعاده تنبع من الداخل وليس من الخارج ( المجتمع) .