[القمره]

أبشتكيلـك يـا بحـر مر شكـواي
وإن كنت صادق ردلي ما شكيتـه

أبشتكي همي و حزنـي وبلـواي
وإن جف دمعي من عيونك سقيتـه

أبشتكي مـري وظيمـي ودنيـاي
وجرحٍ كبيرٍ فـي حياتـي خفيتـه

تعبت أنا أبحث عن حياتي ومرساي
ودي أجازي من طعنـي وجفيتـه

أبشتكيلـك يـا بحـر وينـه دواي
صمتك ذبحني...ليه عطفك محيتـه

يا بحري اللي ما تحـرك لرجـواي
خلي بعيونك جرحي اللي عانيتـه

لو هو صدوقٍ يرتجي منك رضـاي
خذه بطريقك يابحـر لـو تميتـه

حيثه أناني حـاول يهـد مبـداي
حيثه رخيصٍ وإندفعـت وشريتـه

مير القضيه طولت ليـل مسـراي
حتى بعيوني عذر موتـي قريتـه

إحلف تهينه لو رمى لك خطايـاي
إحلف تذله...بقدر مانـي حميتـه