[شايل همي لحالي]

المشاركة الأصلية كتبت بواسطة a7bs.dmoo3y اذا تحسنت حالتك قولي وقولي شنو كانت الطريقة الانسب؟؟ احسك تحسنت الحمدلله هل احساسي صح؟؟

أحس نفسيتي أحسن الحمد لله بس الأسباب كثيرة وحتى ما أظلمها كان لها دور بهذا التحسن
يعني أي أمر توافقني عليه وأي شي يسليني تسويه ولو كان يضايقها وما تحاول تطلب شي يضايقني وانا نفسيا مو متقبله ولو نفسيتي كانت تعبانه تحاول تهديني مثلاً تسألني ويش يريحك وبسويه ( مثلا تتركني لحالي لو طلبت ) ..
أنا بعد حاولت أغير جو وأجلس أكثر مع أي أحد وأشغل نفسي بأمور ما تذكرني بالمشكلة اللي صارت وفعلاً صار اليوم يعدي علي وأنا مشغول بأمور ثانية بس أحس لو لقيت وقت فاضي يمكن أرجع للحالة القديمة -_-
بس بحاول أشغل نفسي على طول وما أترك وقت فراغ ..
ومن الأمور اللي ساعدت دعواتك ودعوة الأخوان والأخوات والله حسيت النفسيه هدأت أكثر والحمد لله لقيت من افضفض له ويساعدني بهذي المشكلة والله يسعدك ويسعد الكل ويحقق مرادكم ..
أتمنى بس ما أرجع للوضع القديم وإن كان للحين ما انتهت المشكلة داخلياً بس أحس إني حاولت أتناساها قدر المستطاع حتى ما تأثر على نفسيتي أكثر وعشان أقدر أمشي حياتي ..
معاملتي معها ما اختلفت لأني ما أقدر أكذب بالتعامل مع أحد بس أحس إني هدأت وصرت أتصرف بهدوء أكثر وبدون ما يكون باين علي إني تعبان ومتأثر من شيء ..
وبستمر على هذا الحال + بروح لدكتور نفسي يساعدني أكثر ( للمعلومية والله وبدون مجاملة لنفسي إن الكثير من أصحابي يلجأ لي بعد الله في حل مشاكله وقبل 10 دقائق واحد طلب مشورتي في مستقبل حياته وكان في نفسية صعبه لكن سبحان الله مهما كان الانسان قوي في مشاكل في الدنيا تهز أي واحد )
الفضل لله ثم لك وللجميع في حالتي النفسية الحين والله يرزقكم على قد نيتكم الطيبة ..