اقحوان الله يعطيك العافية وتسلم يالغالي
أنا ما أحب أظلمها وحتى اني قلت لأهلها الحق إنها مو مقصره بحقي وتسوي الواجب عليها وأكثر ..
لكن اللي كان يرجعني للماضي بعض تصرفات أهلها ( وإن كان مالها ذنب ) يعني مثلاً أمها مرة تقولي محد ضربك على يدك وقال تزوج من عندنا !
يعني أسلوب فعلاً يخليني أحياناً أطلقها وأتركها لأمها وأعلمها كيف تفكر وتتعامل مع الغير مع العلم إني والله ما أشتكي لأمها عن اللي سوته أو عن أي شي يعني ما أحب أذلهم وكل شوي أذكرهم بالسالفة وبنفس الوقت أبو زوجتي عنده ظرف مادي جداً صعب وأنا قاعد أسعى فيه عشان أطلعه من هذي المشكلة وكل هذا لوجه الله لكن أواجه أحياناً ردت فعل منهم تخليني فعلاً ما أبغى دقيقة وحده تقعد عندي لكن أتعوذ من الشيطان وأحاول أهدي نفسي ..
وما بظلمها بصراحه ما أعتقد ممكن ألقى زوجه مهتمه فيني وتسوي كل شي أتمناه مثلها ، لكن أوقات لما أحس إنها تسوي كل شي وأنا مو قادر أقول لها حتى كلمة حلوة أحس إني قاعد أظلمها لأنها تسوي المستحيل معي وأنا نفسيا ً خلاص مو قادر أحبها وقاعد أتعامل معها معاملة عادية جداً ..
في حل بحاول أجربه خلال الأسبوعين الجايه ( طبعاً بعد ما أخذ عمره ) إني أعرض نفسي لدكتور نفسي وإن شاء الله خير
مشكور يالغالي وتسلم على نصيحتك الغالية