السلام عليكم ورحمة الله وبركاته
شوفي اختي نهى امي نفس الحالة تقريبا بس مكان كرب العمل علي كان على اختي الكبيرة وكانت دائما تحكي عليها وكل ماسوي شي ميعجبها وكانت تشتغل كثير ولو رات امي شي بسيط مو مرتب او مش مكانه صيحت عليها حتى مرة رادت اختي تنتحر من كثر مو امي اصيح عليها...هذا الكلام قبل اكثر من 8 سنين وكبرنا وازوجت اختي وازوجت وصارت هاي الاخت اكثر الاخوات الي امي تشتاقلها وتهتم بيها وتخابر عليها وتروح عليها وتشتريها ملابس وحاجات الها ولاطفالها واكثر وحدة اتفكر فيها امي وتشغل بالها عليها.......صدقي هاي قلب الام اتحب بنتها وتريدها اتكون احسن وحدة وتفتخر بيها ...بس بعض الاحيان امهاتنا ميعرفون ايعبرون علي ابداخلهم تجاهنا بالحب بس لان البيت وامور البيت ومشاغل الحياة وصعوبتها اتخليهم ميصرفون صح ويانا وكلها بالصايح و ياثر ضغط الحياة واعباءها على نفسيتهم ويريدون من ايشيل عنهم الهم ....صدقي هسة من تزوجين ويصير عندك اطفال حتسين ابامك وليش كانت تصرف بهذه الطريقة وترة بدون قصد هيه اشوف انو تصرفاتها عادية كلش....بس نصيحتي الج انك انتي تتقربين منها ودائما تبتسمن بوجها وسولفين معاها واطلبي النصيحة منها....واهديلها هدية ترة قيمة الهدية كبيرة جدا عند الوالدة ...يعني لو اشتريتيلها هديه وانطيتيها لوالدتك واتقوليلها يا ماما يا حبيبتي اني احبك حيل وانتي احلى ام ابحياتي ..صدقي حشوفين الدمعة ابعينها من الفرح وتتغير الامور....ومع الدعاء لها ولك وكوني على يقين ماكو قلب احن عليكي من امك لا منتدى ولا اصدقاء مثل الام....والايام راح تقولك هذا الكلام....وكلامي من تجربتي