السلام عليكم ورحمة الله وبركاته
حبيبتي نهى .. لان مشكلتك تتركز على طريقة كلامك وشكلك بين الناس وخصوصا بين اللي هم اكبر منك بتمين تلاحظين أدق التفاصيل وبتحسين ان أي كلمه جارحه او نصيحه قاسيه موجهه لك انتي ..
اول شي حطي فبالك ان مافي ام ما تحب الزين لبنتها .. والله رزقك بأم اسلوبها ما يجي على هواك .. بس ابيك تلاحظين نفسك وتجاوبين بصراحه .. انتي شلون تصرفاتك مع امك ؟؟ .. يعني شلون تعابير وجهك وانتي تكلمينها او تردين عليها ؟؟ .. أكيد شكلك وانتي واقفه او قاعده معاها هو اللي مأثر على اسلوبها معاك وهو اللي خلاك تسمعين اللي سمعتيه منها وهي تكلم ابوك ...
انتي تحاولين تبتسمين لها وانتي ماره جنبها او لما تقبلين عليها وهي قاعده بين خواتك ؟؟
حتى لو كنتي تعبانه من شغل البيت ما يمنع انك تخففين عنها وعن نفسك بابتسامه ..
ياربي والله ان الابتسامه تهد جبال وتمحي اي غضب او حزن في القلب ..
حبيبتي نهى انتي غيري اسلوبك مع امك وحتى مع خواتك وان شاء الله على ضمانتي بتشوفين اللي يسرك
و اما سالفة قعدتك وسوالفك مع الناس هذي بتنحل لما تتغير نفسيتك وتتحسن علاقتك مع امك ..
ابتسمي لها متى ما تلاقت عينك بعينها .. واذا قدرتي اشتري لها أي شي تحبه للمطبخ مو الا هديه خاصه فيها
وربي اني متفاءله خير ... طمنيني على تطوراتك